त्यो माला उनेर पर्खिएको दिन
फेरि पनि आउला र !
त्यो फूललाई देखेर हासेकाे दिन
फेरि पनि आउला र !
त्यो घमाइलो दिनमा देखेको सपना
फेरि पनि आउला र !
त्यही दिन बिर्सन नसकेको पल
फेरि पनि आउला र !

Advertisement 1

रमाइलो लागेको थाहै नभएको दिन
फेरि पनि आउला र !
आफै देखि छुट्दै गएका ति दिन
फेरि पनि आउला र !
संगीत विनानै नाचेका ती दिन
फेरि पनि आउला र !
खेल्दाखेल्दै छुट्टिएका दिन
फेरि पनि आउला र !

चाडपर्वलाई पर्खिएका ती दिन
फेरि पनि आउला र !
शरद ऋतुको त्यो वात्सल्य प्रेम
फेरि पनि आउला र !
प्रत्येक दिन पलाइरहने आशहरु
फेरि पनि आउला र ।

Advertisement 2

नआउने दिनहरु पर्खेका, ती दिन
फेरि पनि आउला र !
बिर्सन खोजेका ती दिनहरु
फेरि पनि आउला र !

सधैभरि ति दिनहरु पर्खि रहन्छन्
र, पर्खि रहेको
आजकाे दिन ,
फेरिपनि आउला र ?