२८ लाख रुपैयाँ घुससहित पक्राउ परेका इन्जिनियर र पलम्बरलाई विशेष अदालतले कैद सजाय र जरिवाना सुनाएको छ । न्यायाधीशद्वय यमुना भट्टराई र बलभद्र बास्तोलाको इजलासले यसअघि नै कसुर कायम गरे पनि सजाय निर्धारणका लागि पेस गर्न आदेश गरेकोमा २८ लाख घुस खाने इीञ्जनियर र पलम्बरलाई कैद सजाय तोकेको हो ।

Advertisement 1

खानेपानी तथा सरसफाइ डिभिजन कार्यालय रामेछापका तत्कालीन इन्जिनियर नवराज सत्याललाई घुसको मुद्दामा दोषी ठहर गरी तीन वर्ष कैद र २० लाख ६० हजार रुपैयाँ जरिवाना भएको छ । उनीसँगै पक्राउ परेका प्लम्बर बखतबहादुर थापालाई एक वर्ष ६ महिना कैद र सात लाख ४० हजार रुपैयाँ जरिवाना तोकिएको विशेषले जनाएको छ । इन्जिनियर सत्यालले प्लम्बर थापामार्फत घुस लिएका थिए ।

ठेक्काको भुक्तानीका लागि ठेकदारसँग १६ लाख नगद र १२ लाख रुपैयाँको चेकसहित उनीहरु डेढ वर्षअघि पक्राउ परेका थिए । अख्तियारले २६ मंसिर ०७९ मा मुद्दा चलाइएको थियो ।