न्याय परिषद्ले सर्वोच्च अदालतमा रिक्त रहेका दुई न्यायाधीशसहित २० न्यायाधीशको नियुक्तिका लागि सिफारिस गरेको छ। प्रधानन्यायाधीश चोलेन्द्र शमशेर जबराको अध्यक्षतामा शुक्रबार बसेको परिषद्‍ बैठकले सर्वोच्चका दुई र उच्च अदालतका १८ न्यायाधीश नियुक्तिको सिफारिस गरेको हो । बैठकले उच्च अदालत पाटनका मुख्य न्यायाधीश कुमार चुडाल र उच्च अदालत सुर्खेतका मुख्य न्यायाधीश नहकुल सुवेदीलाई सर्वोच्चको न्यायाधीशका लागि सिफारिस गर्ने निर्णय गरेको हो।

Advertisement 1

अदालतमा रिक्त १८ न्यायाधीशहरुमा सरकारी वकिलका तर्फबाट उच्च नारायणप्रसाद पौडेल र कानुन सचिव ऋषि राजभण्डारी नियुक्त भएका छन् । जिल्ला न्यायाधीशबाट जगतनारायाण प्रधान, माधववेन्द्र रेग्मी, पुरुषोत्तमप्रसाद ढकाल, विष्णु सुवेदी, अर्जुनप्रसाद कोइराला, अमृतबहादुर बस्नेत र मोदिनीप्रसाद पौडेल सिफारिसमा परेका छन् ।

त्यसैगरी न्याय सेवाको अधिकृतबाट रामेश्वर रेग्मी र ममता खनाल पनि सिफारिसमा अटाएका छन् । कानुन व्यवसायीवाट फुर्वा तामाङ, श्रीधराकुमारी पुडासैनी, जगदीश घिमिरे, पुनमसिंह चन्द, सागर विष्ट, गणेश ठाकुर र निर्मला शाक्य अटाएका छन् । रसुवाबाट पहिलो पटक न्यायधीश बनेर फुर्पाले रेकर्ड राखेका छन् ।

Advertisement 2

बलात्कारको आरोप लागेका सिद्धबाबालाई सफाइ दिने अर्जुनप्रसाद कोइराला पनि उच्च अदालतको न्यायाधीशमा सिफारिस भएका छन् । कोइरालालाई उच्च अदालतको न्यायाधीश सिफारिस गरिएकोमा न्यायपरिषदका सदस्य दीपककुमार कार्कीले नोट अफ डिसेन्ट लेखेका छन् ।