निजामतीमा गुल्मीकै वर्चश्व !
यसपटक २०७९/८० मा निजामती सेवातर्फ सञ्चालित विभिन्न लिखित परीक्षाहरुमा गुल्मीकै वर्चश्व देखिएको छ।लोकसेवा आयोगको ६४ औँ प्रतिवेदन अनुसार २०७९/८० मा सञ्चालन भएका परीक्षामा गुल्मीकै वर्चश्व देखिएको छ ।
Advertisement 1
२०७९/०८० को अवधिमा निजामती सेवातर्फ महिला १ हजार ९९ र पुरुष २ हजार ५ सय ७५ गरी कुल ३ हजार ६ सय ७५ उम्मेदवार स्थायी नियुक्तिका लागि सिफारिस भएका छन् । सबैभन्दा बढी उम्मेदवार सिफारिस हुने पाँच जिल्लामा गुल्मी, स्याङजा, सर्लाही, जुम्ला र धनुषा रहेका छन् भने मनाङ र मुस्ताङ जिल्लाका कुनै पनि उम्मेदवार सिफारिस हुन सकेनन् । मधेश प्रदेशबाट सबैभन्दा बढी ६ सय ८४ र सुदूरपश्चिम प्रदेशबाट सबैभन्दा कम ३ सय ९१ उम्मेदवार सिफारिस भएका छन् ।
यस आर्थिक वर्षमा २ सय ५२ गरी जम्मा ३ हजार ६ सय ७५ पद सिफारिस भएका छन् । समावेशी समूहतर्फका विज्ञापनबाट महिलातर्फ ५ सय, आदिवासीरजनजातितर्फ ४ सय १, मधेसीतर्फ ३ सय १०, दलिततर्फ १ सय ३, अपाङ्गतर्फ ५८ र पिछडिएको क्षेत्रतर्फ ५८ गरी कुल १ हजार ४ सय ६० उम्मेदवार स्थायी नियुक्तिका लागि सिफारिस भएका छन् । पछिल्लो १६ वर्षमा सबै समावेशी समूहबाट गरी कुल २४ हजार १ सय ५२ उम्मेदवारहरू स्थायी नियुक्तिका लागि सिफारिस भएका छन् ।
Advertisement 2
परीक्षामा अनियमितता गर्ने १९ महिला २४ पुरुष गरी ४३ जना उम्मेदवार कारबाहीमा परेका छन् ।
