न्याय सेवा आयोगले उपसचिव र सहसचिवका लागि दरखास्त आह्वान गरेको छ । आयोगले आज एक सूचना प्रकाशन गर्दै ४५ जना उपसचिव र ७ जना सहसचिवका लागि दरखास्त आह्वान गरेको हो ।
जेष्ठता र कासमू र कार्यक्षमता मूल्यांकनका आधारमा हुने बढूवाद्धारा पूर्ति गर्नुपर्ने भन्दै २०८० आषाढ मसान्तसम्म निजामती सेवा ऐन र नियमावलीबमोजिम योग्यता पुगेका सम्भाव्य उम्मेदवारहरूले ३५ दिनभित्र दरखास्त पेश गर्न आयोगले भनेको छ ।

Advertisement 1

यता लोकसेवा आयोगले बार्षिक कार्यतालिका अनुसार आज सहसचिव र उपसचिव तहको विज्ञापन प्रकाशन गर्नुपर्ने थियो । तर आयोगले बुधबार बिहान विज्ञापनको सूचना प्रकाशन गर्नुपर्नेमा विशेष कारणवश विज्ञापन प्रकाशन गर्न नसकिएको सूचना सार्वजनिक गरेको छ । आयोगले यी तहको विज्ञापन नखुलाई विशेष कारण देखाएर विज्ञापन रोकेको सूचना प्रकाशन गरेको हो ।आयोगले विशेष कारण के हो त्यो खुलाएको छैन ।

Advertisement 2