गृहको कार्यसम्पादन रिर्पोटमा गुल्मी जिल्ला प्रशासन सबैभन्दा अब्बल र सिरहा जिल्ला प्रशासन सबैभन्दा कमजोर देखिएको छ ।

Advertisement 1

गृह मन्त्रालयले हालै सार्वजनिक गरेको रिर्पोट कार्ड अनुसार सर्वाेत्कृष्ट कार्यसम्पादन गरी जिल्ला प्रशासन गुल्मीले ९६ दशमलव ४४ अंक प्राप्त गरेको हो । गृह मन्त्रालयले मातहतका निकायका अधिकारीहरुसँग गरेको कार्यसम्पादन सम्झौंताका आधारमा ७७ जिल्लाको रिर्पोट कार्ड बनेको हो ।यो बीचमा गुल्मीका तीन जना प्रमुख जिल्ला अधिकारी पुगिसकेका छन् ०७९ माघसम्म पुण्यविक्रम पौडेल प्रमुख जिल्ला अधिकारी थिए । त्यसपछि खटाइएका सागरमणि पाठक तीन महिनामै गृहमा तानिएका थिए । गत जेठदेखि गुल्मीको प्रमुख जिल्ला अधिकारीको भूमिकामा छन्,टेकबहादुर केसी ।

मन्त्रालयको नीति, योजना, अनुगमन तथा मूल्यांकनको आधारमा आर्थिक वर्ष २०७९ /८० मा गरेको सम्झौता अनुसार गुल्मीसहितका ३३ जिल्ला प्रशासन कार्यालय उत्कृष्ट ठहरिएका छन् ।

Advertisement 2

गृहका अनुसार कार्यसम्पादन सम्झौताको छ वटा बुँदालाई आधार बनाइएको थियो। शान्ति सुरक्षा, अपराध नियन्त्रण, सुशासन र सेवा प्रवाह, लागुऔषध नियन्त्रण, विपद जोखिम न्युनीकरण तथा जोखिम व्यवस्थापन, विकास निर्माण अनुगमन र समन्वय र सदाचार र आर्थिक अनुशासन सम्बन्धित कार्यसम्पादनको समग्र मापन आधारमा मूल्याङ्कन गरिएको हो । सम्झौता बमोजिम काम गरेर ९०भन्दा माथि अङ्क ल्याउँदै ३३ वटा जिल्ला प्रशासन कार्यालयहरू अति उत्कृष्टको सूचीमा परेका हुन् ।
रिर्पोट कार्ड अनुसार,३० वटा प्रशासन कार्यालयहरू ८० देखि ९० अङ्कसम्म ल्याएर ‘उत्कृष्ट’ ठहरिएका छन् । बाँकी १४ जिल्ला प्रशासन कार्यालयहरू ‘उत्तम’ कार्यसम्पादनको सूचीमा छन् । जिल्ला प्रशासन कार्यालय सिरहा ६१ दशमलव ५६ अङ्कसहित अन्तिम स्थानमा छ ।सिरहामा पनि यो बीचमा तीन जना प्रमुख जिल्ला अधिकारी परिवर्तन भइसकेका छन् । ७८ देखि कार्यरत लालबाबु कवारी ०७९ माघमा घुस काण्ड लागेर गृह तानिएका थिए । त्यसपछि गृहले खटाएको भोजराज खतिवडालाई चार महिनामै हटाएर अहिले त्यहाँ राजेन्द्रदेव पाण्डे प्रजिअको कुर्सीमा छन् ।