घरमा काम सघाउने युवतीमाथि यौन शोषण गरेको इञ्जिनियर हरिकुमार पोखरेल अहिले प्रहरीको चिसो सिढिमा पुगेका छन् । मध्यपहाडी लोकमार्ग आयोजनाका निर्देशक इञ्जिनियर पोखरेललाई काठमाडौं जिल्ला अदालतले जर्बजस्ती करणी मुद्धामा पुर्पक्षका लागि थुनामा पठाइसकेको छ ।

Advertisement 1

यस्तै प्रकरणमा डामिएका अर्का हाकिमलाई अदालतले २५ हजार धरौटीमा रिहा गरेको छ । जिल्ला तथ्यांक कार्यालयका हाकिम यज्ञमूर्ति भण्डारीले कार्यालय सहयोगीलाई पटक पटक यौन शोषण गरेको आरोपमा प्रहरी हिरासतमा पुगेका थिए,गत भदौं तेश्रो साता ।

३५ बर्षीया कार्यालय सहयोगीलाई पटक पटक यौन शोषण गरेका र गर्भ बसेपछि गर्भ पतन गराउन खोज्दा अत्याधिक रक्तश्राप भएर भरतपुर अस्पतालमा पुर्याइए पछि हाकिमले कार्यालय सहयोगीमाथि गर्ने गरेको यौन शोषणको बिषय सतहमा आयो । श्रीमानले दोश्रो विवाह गरेपछि आफ्नो पतीसँग अलग बस्दै आएकी र साहाराविहिन कार्यालय सहयोगी महिलालाई हाकिमले डर,धम्की देखाउँदै पटक पटक यौन शोषण गर्ने गरेको रहष्य ती महिला भरतपुर अस्पतालमा उपचारका लागि पुगेपछि खुलेको हो ।

Advertisement 2

गत भदौं १२ गते ४ महिना पूरा भइसकेको गर्भ पतन गराइएपछि अत्याधिक रक्तश्राप भएका कारण ती कार्यालय सहयोगी महिलालाई अहिले भरतपुर अस्पतालको आइसियूमा राखेर उपचार गरिएको थियो । यो प्रकरण बाहिरिएपछि तथ्यांक कार्यालय प्रमुख भण्डारीलाई हिरासतमा लिएर जबरजस्ती करणी उद्योगमा मुद्दा दर्ता गरी अनुसन्धान अघि बढाइएको थियो । प्रहरीले तीन साता बढी समय लगाएर अनुसन्धान गरेर तयार गरेको मिसिलसहित असोज ८ गते जिल्ला अदालत चितवनमा जिल्ला सरकारी वकिलको कार्यालयमार्फत मुद्दा दर्ता भएको थियो ।

सो पछि चितवन जिल्ला अदालतले हाकिम भण्डारीलाई २५ हजार धरौटीमा रिहा गर्न आदेश दिएको हो ।

चितवनका न्यायाधीश मातृकाप्रसाद आचार्यले भण्डारीलाई २५ हजार रुपैयाँमात्र लिएर धरौटीमा रिहा गर्ने आदेश दिएका हुन् ।सोही अनुसार भण्डारी २५ हजार धरौटी तिरेर तारेखमा रिहा भएका हुन ।