पूर्णतया कम्प्युटराईज्ड बन्दै बर्दिवास यातयात कार्यालय
संघीयताको कार्यान्वयन सँगसँगै यातयात कार्यालयलाई प्रदेश सरकार मातहतमा राखेको छ । बढ्दो जनसंख्यासँगै सवारी साधनहरुको संख्या पनि बढ्दै गईरहेको छ । यसैलाई व्यवस्थापन र नियमनको गर्दै राज्यको लागि राजश्व संकलन गर्ने निकाय पनि हो यातयात व्यवस्थापन कार्यालयमा । जसमा सवारी दर्ता नविकरण, जरिवाना, पट्के, सवारी जाँचपास, सार्वजनिक यातयातको लागि रुट परमिट लगायत र सवारी चालक अनुमति पत्र नयाँ, नविकरण, प्रतिलिपी लगायतका विभिन्न सेवा प्रवाह गर्ने काम गर्दछ ।
Advertisement 1
विभिन्न कार्यालयहरु मध्येको झन्झटिलो र विचौलियाहरुले गिजोलेको र अनियमितता र भ्रष्ट्रचार हुने कार्यालय भनेर पनि चिनिने यातयात व्यवस्थापन कार्यालयहरु सूचना प्रविधिको प्रयोगले अधिक सुधारिएको महशुस स्वयं सेवाग्राहीले गर्ने गरेका छन् । यस्तै सुधारिएको कार्यालयमा पर्नेमा छ मधेश प्रदेशको महोत्तरीमा २०७१ सालमा स्थापना भएको यातयात व्यवस्थापन सेवा कार्यालय वर्दिवास । यातयात व्यवस्थापन कार्यालय वर्दिवासमा हालसम्म अधिक सेवाहरुलाई कम्प्युटराईज्ड गराएर सेवाग्राही मैत्री कार्यालय बनेको छ । सेवाहरुलाई सहज, बिचौलिया विहिन र पहुँचयोग्य बनाउने अहिलेको एक मात्र माध्यम सूचना प्रविधिको कारणले यो कार्यालयले अन्य ठूला कार्यालयको हाराहारीमा राजश्व पनि संकलन गरेको छ । हालसम्म पछिल्ला ३ आ.व.हरुमा यसले सेवा प्रवाह र राजश्वमा भएको वृद्धिले पनि यसले अवलम्बन गरेको हरेक सेवालाई सूचना प्रविधिमैत्री बनाउनुको उदाहरण हो ।
Advertisement 2
यस कार्यालयले आ.व. २०७७/०७८ मा रु.२०१५८४८१७/-, आ.व. २०७८/०७९ मा २५६३३२८७०/- र आ.व. २०७९/०८० मा ३२१९६९६६४/- राजश्व संकलन गरेको थियो । बिलबुक नविकरण अनलाईन गरेको कार्यालयले दिउसो २ बजेसम्म ६०० भन्दा बढी सेवाग्राहीलाई सेवा दिईरहेको छ । सबारीका सम्पूर्ण सेवाहरु अनलाईन बनाईएको कार्यालयमा दिउसो १-२ बजे पछि कार्यालय शुन्य प्राय हुन्छ । अबको योजना शुल्क र राजश्व पनि अनलाईनबाट भुक्तानी गर्ने प्रक्रियामा रहेको यातयात व्यवस्थापन सेवा कार्यालयका कार्यालय प्रमुख राकेश यादवले बताएका छन् । अब त्यो मात्रै अनलाईन गराउने हो भने वास्तवमा सो कार्यालयले अहिलेको युग सुहाँदो र सेवाग्राहीले मागेको सेवा पक्कै पनि प्राप्त गर्न पाउनेछन भन्नेमा सबै सेवाग्राहीहरु आस्वस्त रहेको पाईन्छ । अहिलेको युग सूचना प्रविधिको युग भएको र अनियमितता, झन्झट, भ्रष्ट्रचार र बिचौलियाबाट मुक्त बनाउन कम्प्युटराईज्ड एक मात्र विकल्प रहेको सेवा प्रवाहको उद्देश्य पनि हो ।
