झण्डै साढे महिनादेखि सरकारका सहसचिव सम्पर्कविहिन भएपछि सरकारले खोजी कार्य अगाडि बढाएको छ । विना जानकारी,विदा समेत स्वीकृत नगराइ सहसचिव तहका कर्मचारी सम्पर्क विहिन भएपछि ३५ दिनको समयभित्र गयल हुनुको कारणसहित चित्त बुझ्दो जबाफ पेश गर्न मन्त्रालयले सूचना प्रकाशन गरेको छ ।

Advertisement 1

कृषि तथा पशुपन्छी विकास मन्त्रालयमा कार्यरत प्राविधिकतर्फका सहसचिव १३९ दिनदेखि सम्पर्क विहिन भएपछि मन्त्रालयले खोजी कार्य अगाडि बढाएको हो ।  मन्त्रालयका अनुसार,त्यहाँका सहसचिव कमलराज गैरे गत वैशाख २ गतेदेखि बिना जानकारी गैरहाजिर रहेका हुन् ।कर्मचारी संकेत नम्बर १५३३०६ रहेका गैह्रे विना जानकारी बिदा समेत स्वीकृत नगराई हराए पछि मन्त्रालयले खोजबिन अगाडि बढाएको छ ।

मन्त्रालयले एक सूचना प्रकाशित गर्दै निजामती सेवा ऐन, २०४९ अनुसार सहसचिव गैह्रेलाई आफू अनुपस्थित हुनुको चित्तबुझ्दो कारण ३५ दिनको पेश गर्न सूचनामा उल्लेख गरिएको छ ।

Advertisement 2

निजामती सेवा ऐनमा ९० दिनभन्दा बढी गैरहाजिर कर्मचारीलाई सफाइ पेश गर्न समय दिने र उक्त अवधिमा चित्त बुझ्दो प्रष्टीकरण नदिएमा वा सम्पर्कमा नआएमा जागिरबाट बर्खास्त गर्न सकिने व्यवस्था रहेको छ ।