मारुती कारभित्र पौने २ करोडको सुन
रुपन्देहीको लुम्बिनी सांस्कृतिक नगरपालिका–१३ स्थित कालिदहबाट सशस्त्र प्रहरीले सुन जस्तो देखिने २ किलो धातु बरामद गरेको छ । सशस्त्र प्रहरी बल बीओपी बयरघाटबाट खटिएको टोलीले शनिवार मध्यराति पँहेलो धातु बरामद गरेको सशस्त्र प्रहरीका सहायक प्रवक्ता शैलेन्द्र थालो रातोपाटीलाई बताए ।
Advertisement 1
दाङ घोराही नगरपालिका १० का २१ वर्षीय हुमानन्द गिरी पक्राउ परेका हुन् । सीमा सुरक्षा गुल्म, डण्डा, रुपन्देही मातहत रहेको बीओपी बयरघाटले शनिबार राति साढे ९ बजे कारमा राखेर सीमा पार गर्दै गर्दा सो वस्तु फेला पारेको हो । भारततर्फ जाँदै गरेको बा.१२ च ३८२० नम्बरको मारुती सुजुकी कारभित्र दुई वटा ईंट आकारको सुन लुकाएको अवस्थामा बरामद भएको सशस्त्रले जनाएको छ ।
बरामद सुनको रिपोर्ट आउन बाँकी रहेको डिएसपी थापाले जानकारी दिए ।चालक मात्र रहेको सवारी साधनमा फेला परेको सुनको अन्दाजी मूल्य एक करोड ८८ लाख २७ हजार हुन आउँछ । राति नै उक्त सुन र १५ लाख मूल्य बराबरको कार गरेर दुई करोड तीन लाख २७ हजार मूल्य कायम गरी भन्सार कार्यालयलाई बुझाइएको छ ।
Advertisement 2
सशस्त्र प्रहरी उपरीक्षक दीपक थापाले बिशेष सुराकीका आधारमा लुम्बिनी सांस्कृतिक नगरपालिका अन्तर्गतको कालीदह नाकामा उनलाई पक्राउ गरिएको जानकारी दिए । “सुनमा स्वीट्जरल्याण्ड, एक किलो फाइन गोल्ड लेखिएको छ । कारमा फल्स बटम बनाई उक्त वस्तु ल्याइएको पाइएको छ”, थापाले भने “आवश्यक कारबाहीका लागि भन्सार कार्यालयमा बुझाएका छौ, थप अनुसन्धान भइरहेको छ ।”
