निजामती सन्ततीलाई छात्रवृत्तिका लागि दरखास्त आह्वान,के के चाहिन्छ कागजात ?
संघीय मामिला तथा सामान्य प्रशासन मन्त्रालयले निजामती कर्मचारी सन्ततीलाई शैक्षिक प्रोत्साहन वृत्तिका लागि आवेदन आह्वान गरेको छ । मन्त्रालयको शैक्षिक प्रोत्साहन वृत्ति व्यवस्थापन सचिवलायले एक सूचना जारी गर्दै आगामी १५ दिनभित्र आवेदन पेश गर्न आह्वान गरेको हो ।
Advertisement 1
कर्मचारी सन्ततीलाई शैक्षिक प्रोत्साहन उपलव्ध गराउनेसम्बन्धी निर्देशिका (पहिलो संशोधन) अनुसारयस्तो वृत्ति पाउनेछन् । जसअनुसार,निजामती सेवा ऐन २०४९,स्वास्थ्य सेवा ऐन ०५३,व्यवस्थापिका संसद ऐन ०६४ बमोजिम सेवाका पदमा बहाल रहेका र कर्मचारी समायोजन ऐन ०७५ बमोजिम सरकारी सेवाबाट प्रदेश वा स्थानीय तहमा समायोजन भएका कर्मचारीका अलवा निजामती सेवाबाट निवृत्तीभरण पाउने अवधि पूरा भइ अवकाशमा गएको,निजामती सेवाबाट संवैद्यानिक निकायको पद वा न्यायधीशमा नियुक्त भइ बहाल रहेका पदाधिकारी वा न्यायधीशका सन्ततीले समेत यस्तो वृत्ति पाउनेछन् ।
यस्तो वृत्ति पाउनका लागि स्वदेशी विश्वविद्यालय वा त्यस्तो विश्वविद्यालयको आङ्गिक वा सम्बन्धन प्राप्त स्वदेशी शिक्षण संस्थामा भर्ना भई स्नातक वा सो सरह तहको प्रथम वर्ष तथा पहिलो वा दोश्रो सेमेस्टरमा भर्ना भई अध्ययन गरिरहेको हुनुपर्ने व्यवस्था राखिएको छ । यस्तै प्रथम बर्ष वा दोश्रो सेमेष्टरको प्रयोगात्मक परीक्षाबाहेकका अन्तिम परीक्षा दिइरहेका निजामती कर्मचारीका सन्ततीले यस्तो वृत्ति पाउने बुँदा त्यहाँ उल्लेख गरिएको छ ।
यस्का अलवा विदेशमा अध्ययन गरिरहेका,नेपाल सरकार,प्रदेश सरकार वा स्थानीय तह वा अन्य सार्वजनिक तह वा शिक्षण संस्थाबाट शैक्षिक शुल्क छुट लिएका विद्यार्थीले यस्तो वृत्ति नपाइने बुँदा समावेश गरिएको छ ।
यस्तो बृत्ति पाउनका लागि दश जोड दुई वा सो सरहको तह कम्तिमा ५० प्रतिशत अर्थात दुई दशमलव ५ जिपिए ल्याएर उत्र्तीण गरेको हुनुपर्ने,स्वदेशी विश्वविद्यालय वा त्यस्तो विश्वविद्यालयको आङ्गिक वा सम्बन्धन प्राप्त स्वदेशी शिक्षण संस्थामा भर्ना भई स्नातक वा सो सरह तहको प्रथम वा द्धितीय बर्षमा अध्ययन गरिरहेको,२५ बर्ष उमेर पूरा नभएको ,निजामती सेवा, सेना,प्रहरी,प्रदेश,स्थानीय तह वा अन्य सार्वजनिक सेवाको पदमा स्थायी नियुक्ती लिएको हुनु नहुनुपर्नेछ ।
sch
