Advertisement 1

स्वास्थ्य तथा जनसंख्या मन्त्रालयको रिक्त २ जना अतिरिक्त सचिव बन्नका लागि २१ जना प्रतिष्प्रर्धामा उत्रिएका छन् । स्वास्थ्य मन्त्रालयको प्रमुख विशेषज्ञ पदलाई अहिले अतिरिक्त स्वास्थ्य सचिव बनाइएको छ । जहाँ १२ औँ तहका कर्मचारी हुनेछन् । स्वास्थ्यले नामाकरण अतिरिक्त स्वास्थ्य सचिव भनिएपनि जिम्मेवारी भने प्रमुख विशेषज्ञ पदमा रहँदा जे थियो त्यहि नै हुने गरी नाम मात्र परिवर्तन गरेको छ ।
यस अघि सोही भूमिका र जिम्मेवारीमा रहेका डाक्टरद्धय गुणराज लोहनी र श्यामसुन्दर यादव घर फर्किसँगै रिक्त रहेको २ पदमा २१ जना प्रतिष्प्रर्धाको मैदानमा छन् ।

प्रदेश अस्पताल भद्रपुरका डा टंक बराकोटी, राष्ट्रिय एड्स तथा यौनरोग नियन्त्रण केन्द्रका निर्देशक डा. सुधा देवकोटा, आयुर्वेद तथा वैकल्पिक चिकित्सा विभागका महानिर्देशक डा. बासुदेव उपाध्याय, लुम्बिनी प्रदेशका स्वास्थ्य सचिव डा. विकास देवकोटा, स्वास्थ्य तथा जनसंख्या मन्त्रालयका डा. कृष्णप्रसाद पौडेल, राष्ट्रिय स्वास्थ्य शिक्षा सूचना तथा सञ्चार केन्द्रका निर्देशक सुनिल शर्मा र गण्डकी प्रदेश स्वास्थ्य तालिम केन्द्रका डा. विनोदविन्दु शर्मा लगायत रहेका छन् ।

Advertisement 2

यसैगरी, बागमती स्वास्थ्य मन्त्रालयका सचिव बद्रीबहादुर खड्का, स्वास्थ्य विभाग नर्सिङ महाशाखा प्रमुख गोमा निरौला, नारायण ढकाल, डा। सञ्जय ठाकुर, कान्ति बाल अस्पतालका डा. अजित रायमाझी, स्वास्थ्य निर्देशनालय लुम्बिनीका डा. विनोदकुमार गिरी, शुक्रराज ट्रपिकल तथा सरुवा रोग अस्पतालका डा. मनिषा रावल, पोखरा स्वास्थ्य विज्ञान प्रतिष्ठानका डा. श्रीकृष्ण श्रेष्ठ, वीर अस्पतालका डा. सरोज शर्मा, परोपकार प्रसुति अस्पतालका डा. आमिरबाबु श्रेष्ठले पनि व्यक्तिगत विवरण बुझाएका छन् ।

भेरी अस्पतालका डा. राजन पाण्डे, राष्ट्रिय ट्रमा सेन्टरका डा. रुद्र मरासिनी, भेरी अस्पतालकी दुर्गालक्ष्मी श्रेष्ठ, कर्णाली प्रदेश अस्पतालका डा. केशरबहादुर ढकालले बढूवाका लागि दौडमा छन् ।

बढुवा सिफारिस समितिले २१ जनामध्येबाट तीन जनाको नाम क्याविनेटमा पठाउने र तीमध्ये दुई जना अतिरिक्त सचिवमा उक्लनेछन् ।