प्रधानमन्त्री तथा मन्त्रिपरिषद्को कार्यालयका सचिव लक्ष्मण अर्याल अनिवार्य अवकाशमा गएसँगै प्रशासनतर्फ एक सचिव पद रिक्त रहेको छ । रिक्त रहेको एक सचिवमा बढुवाका लागि तीन सहसचिवको नाम सिफारिस भएको छ । जसमा नारायण शर्मा, दिनेश घिमिरे र घनश्याम उपाध्यायको नाम सिफारिस गरेको हो ।

Advertisement 1

शर्मा उद्योग, वाणिज्य तथा आपूर्ति मन्त्रालयमा औद्योगिक तथा लगानी प्रवर्द्बन महाशाखा प्रमुख छन् । घिमिरे चीनका महावाणिज्य दूत हुन् । भक्तपुरको चाँगुनारायण नगरपालिका ३, झौखेल निवासी गेलाल इन्जिनियरिङ समूहका तथा सूर्यविनायक नगरपालिका ५ कटुन्जेको मनोरम बस्तीमा बसोबास गर्दै आएका घिमिरे सामान्य प्रशासन समूहका सहसचिव हुन् । त्यस्तै उपाध्याय ललितपुरका सीडीओ हुन् । उपाध्याय नारायण नगरपालिका ६ मा जन्मेर हुर्केका हुन् । यस अघि उनी प्रधानमन्त्री कार्यालयमा ३ बर्ष, पर्यटन तथा नागरिक उड्डान मन्त्रालयमा ४ बर्ष कर्णाली प्रदेशमा अर्थ सचिवको रुपमा १ बर्ष र गृहमा १ बर्ष बिताएका छन् । अब बस्‍ने मन्त्रिपरिषद् बैठकले उनीहरूमध्ये एकजनालाई बढुवा गर्नेछ । पहिलो नम्बरमा सिफारिस भएका शर्माकै सम्भावना बलियो रहेको छ ।