नापी,मालपोत,कम्वनी रजिष्ट्रारदेखि यातायात कार्यालयहरुसम्म विचौलियाको विगबिगी छ । त्यस्ता बिचौलिया हटाउन कर्मचारीहरुको ध्यान खासै गएको देखिदैन बरु तिनै बिचौलियासँग मिलेर आर्थिक लाभ हासिल गर्ने र सेवाग्राहीलाई कर्मचारीहरुले सास्ती दिदैं आएको गुनासो सुन्न,देख्न मात्र होइन भोगिदै आएको छ ।
अहिलेसम्म यस्तै विचौलियाका कारण बदनामी कमाएको एकान्तकुनास्थित यातायात कार्यालय सुर्धान अहिले त्यहाँका प्रमुख अच्युतम रेग्मी कम्मर कस्सेर लागि परेका छन् । उनले हालैमात्र यातायात कार्यालयमा सेवाग्राहीलाई सताउने १६ जना बिचौलियालाई ठेगान लगाएका छन् ।

Advertisement 1

सेवाग्राहीलाई दुख दिएको भन्दै एकान्तकुनास्थित यातायात कार्यालयबाट प्रहरीले १६ जना विचौलिया प्रहरीले पक्राउ गरेको छ । एकान्तकुनास्थित यातायात व्यवस्था कार्यालय परिसर तथा बाहिर समेत अनाधिकृत रुपमा भेला भएर सेवाग्राहीहरूलाई अनावश्यक रुपमा सताएको भन्दै उनीहरुलाई प्रहरीले पक्राउ गरेको छ ।

पक्राउ पर्नेमा ललितपुर महानगरपालिका–४ बागडोल बस्ने खोटाङ दिक्तेल घर भएकी १९ वर्षीया इनिमाया राई समेत १६ जना रहेका एकान्तकुनास्थित कार्यालयका प्रमुख अच्युतम रेग्मीले इकर्मचारीलाई बताउनुभयो ।