लोक सेवा आयोगले सहसचिव तहको लिखित परीक्षाको नतिजा सार्वजनिक गरेको छ । प्रशासन सेवा।लेखापरीक्षण र न्याय सेवातर्फको नतिजा सार्वजनिक गरेको हो । प्रशासन सेवातर्फ ५ जनाका माग गरिएकोमा लिखित परीक्षामा सहभागी ८६९ जनामध्येबाट अन्तर्वार्ताका लागि १७ जना छनौंट गरिएको लोकसेवा आयोगले जनाएको छ । गत ०७८ मङ्सिर ४ देखि ७ गतेसम्म सञ्चालन भएको खुल्ला प्रतिस्पर्धातर्फ न्याय सेवातर्फ १ जना माग गरिएकोमा लिखित परीक्षामा सम्मिलित २ जनामध्ये अन्तरवार्ताका लागि कोही छनौंट नभएको सूचनामा उल्लेख छ ।

Advertisement 1

यस्तै लेखापरीक्षणतर्फ १ जना माग गरिएकोमा लिखित परीक्षामा सम्मिलित ७० जनामध्येबाट अन्तर्वार्ताका लागि ४ जना छनौंट भएको आयोगको सूचनामा जनाइएको छ ।
आयोगका अनुसार,प्रशासन,लेखापरीक्षण र न्यायसेवाबाट ७ जना सहसचिव मागिँदा लिखित परीक्षामा सम्मिलित ९४१ जनामध्येबाट अन्तर्वार्ताका लागि २१ जना छनौंट भएको जनाइएको छ ।