नेकपा एकीकृत समाजवादी निकटको नेपाल निजामती कर्मचारी संगठनले अध्यक्ष रेवन्त गौतमले संगठनको लेटरप्याडको दुरुपयोग गरेको आरोप लगाएको छ ।
हिजोमात्र केपी ओली निकट संगठनका अध्यक्ष (संयोजक) केदार देवकोटा र सचिवालय सदस्य रेवन्त गौतमको नामबाट जारी भएको विज्ञप्तीप्रति संगठनले गम्भीर ध्यानाकर्षण भएको जनाएको छ ।
केदार र रेवन्तद्धारा संयुक्तरुपमा जारी गरिएको विज्ञप्तीमा भनिएको थियो,नेकपा एकीकृत समाजवादीनिकट नेपाल निजामति कर्मचारी संगठनका अध्यक्षसहितका पदाधिकारी र सदस्य एमाले निकट मूल संगठनमै फर्किएका दावा गरिएको थियो ।
उनीहरुले संयुक्त रुपमा आगामी माघ १४ र १५ मा हुने महाधिवेशन सम्पन्न गर्न आह्वान गर्दै विज्ञप्ती जारी गरिएपछि नेकपा एस निकटका संगठनका महासचिव शरण गुरुङद्धारा काउण्टरमा अर्काे विज्ञप्तीमा जारी गरिएको छ ।
महासचिव गुरुङद्धारा जारी विज्ञप्तीमा कारवाही गरिएका रेवन्त गौतमबाहेक कुनै पदाधिकारी तथा सदस्यमा विचलन नआएको समेत स्पष्ट पारिएको छ ।

Advertisement 1

सो विज्ञप्तीमा गत असोज २ मा सम्पन्न राष्ट्रिय भेलाले ट्रेड युनियन आन्दोलनको मूल्य मान्यता र विधान अनुरुप कार्य नगरेको ठहर विपरित प्रकाशित विज्ञप्ती हास्यस्पद् मात्र नभएर समग्र लोकतान्त्रिक विधि,पद्धति र प्रणालीमाथिकै प्रहार भएको भनिएको छ ।
यस्तै,संगठन स्थापना कालदेखि नै मानव अधिकार,लोकतन्त्र,शान्ति र सुशासनको पक्षमा प्रतिवद्ध रहेको ठहर गर्दै तमाम कर्मचारीहरुको गुनासो सुन्ने प्रभावकारी संयन्त्र नेपाल निजामती कर्मचारी संगठनमात्र भएको स्पष्ट पार्दै कपोकल्पित र भ्रामक दुश्प्रचारको पछि नलाग्न अनुरोधसमेत गरिएको छ ।
संगठनलाई कमजोर पार्ने खालका गतिविधिजन्य कार्यमा विश्वास नगर्न र आम कर्मचारीको हमहितमा लागिरहने संगठनमा गोलवद्ध हुन आग्रह समेत गरिएको छ ।
गौतम जिविस प्युठानका अस्थायी कर्मचारी हुन,जो सामान्य प्रशासन मन्त्रालयमा काजमा राखिएको छ ।
संगठनको काममा कहिल्यै सक्रिय भएर नलागेका गौतमलाई मंगलबारमात्र सचिवालयबाट कारवाही गर्ने बिषयमा छलफल समेत चलेको थियो । हिजै शहरी विकास विभागमा बसेको बैठकमा संगठनको हित विपरित काम गरिरहेका हुँदा कतिपय सदस्यहरुले कारवाही गर्न माग गरे पनि उनीमाथि कारवाही गरिएको थिएन ।

Advertisement 2

एमाले विभाजन हुँदा गत असोजमा मात्र माधव नेपाल निकटको नेकपा समाजवादीतिर खुलेका र अध्यक्ष समेत भएका गौतम ओली पक्षधर कर्मचारी संगठनको प्रभावमा परेर गद्धारी गरेको सो संगठनका नेताहरुले आरोप लगाएका छन् । उनको बहिर्गमनलाई सो संगठनका नेताहरुले ‘कुचोले बढार्नु पर्ने कसिंगरलाई हावाले उडाएर लगेको’ रुपमा समेत टिप्पणी गर्न थालेका छन् ।