प्रदेशमा मन्त्रीहरु भरिभराउ हुँदा सिंहदरबार भित्रका दुई मन्त्रालय भने मन्त्रीबिहिन बन्न पुगेको छ । लामो समयदेखि उद्योग,वाणिज्य तथा आपूर्ति मन्त्रालय मन्त्रीबिहन थियो । त्यहीमाथि दुई सातादेखि रक्षा मन्त्रालय समेत मन्त्री बिहिन बन्न पुगेको छ ।
रक्षा मन्त्रालय राजनीतिक र प्रशासनिक रुपमा नेतृत्वबिहिन अबस्थामा पुगेको छ । काँग्रेको १४ औं महाअधिवेशनमा महामन्त्री नेपाली कांग्रेसको महाअधिवेशनमा महामन्त्री पदमा पराजीत भएसँगै मिनेन्द्र रिजालले राजीनामा दिएका थिए । झण्डै दुई सातादेखि राजनीतिक नेतृत्वबिहिन अबस्थामा पुगेको रक्षा मन्त्रालय  प्रशासनिक रुपमा नेतृत्वबिहिन अबस्थामा पुगेको छ ।
रक्षा सचिवका रुपमा कार्यरत रहेका बेगेन्द्रराज शर्मा पौडेल पाँच बर्षे सेवा अवधि पूरा गरि घर फर्किएसँगै रक्षा मन्त्रालय राजनीतिक र प्रशासनिक रुपमा नेतृत्वबिहिन अबस्थामा पुगेको हो ।
शर्मा ओली नेतृत्वको सरकारमा अन्याय भुक्तमान गरेका प्रशासक हुन ।
उनी सचिवमा बढुवा भए यता कहिल्यै मन्त्रालयको जिम्मेवारी पाएनका थिएनन । शर्मा सचिव बढुवा हुनासाथ तत्कालीन मध्यपश्चिमान्चल क्षेत्रीय प्रशासन कार्यालय सुर्खेतको क्षेत्रीय प्रशासकमा पदस्थापन भए । मध्यपश्चिमान्चलबाट पश्चिमान्चल क्षेत्रीय प्रशासन कार्यालय पोखरामा सरुवा भयो । पोखराबाट उनी प्रधानमन्त्री कार्यालय अन्तर्गत रहेको अस्थायी प्रकृतिको निर्वाचन क्षेत्र निर्धारण आयोगमा सरुवा भए ।निर्वाचन क्षेत्र निर्धारण आयोगबाट निर्वाचन आयोगमा सरुवा भएका उनी त्यसपछि सार्वजनिक खरिद अनुगमन कार्यालयमा सरुवा भए ।
खरिद अनुगमन कार्यालयबाट उनको सरुवा २०७६ भदौमा बित्त आयोगमा भएको थियो । यस अघि ओली सरकारले ठूलो संख्यामा सचिवको सरुवा गर्दा उनको सरुवा भूमिब्यवस्था, सहकारी तथा गरिबी निवारण मन्त्रालयमा सरुवा भएको थियो । तर सरुवा संशोधन गरी त्यहाँ उनको नाम काटियो र टेकनारायण पाण्डेलाई थमौति दिइयो ।

Advertisement 1

सचिव बनेको साढे चार बर्षसम्म मन्त्रालयको जिम्मेवारी नपाएका उनी ५ महिना अघि यो सरकारले रक्षा सचिवको रुपमा खटाएको थियो । त्यहाँ पुगेको ५ महिनामै सेवा अवधि (५ बर्ष) लागेर उनी हिजोबाट घर फर्किएपछि अब रक्षा मन्त्रालय प्रशासनिक र राजनीतिक रुपमा नेतृत्वबिहिन अबस्थामा पुगेको हो ।
रक्षा मन्त्रालयको निमित्त सचिवका रुपमा बाबुराम अधिकारी रहेका छन् ।

मिनेन्द्र रिजालले राजीनामा दिए सँगै अहिले रक्षा र उद्योग मन्त्रालय मन्त्री बिहिन रिक्त छ । ती ठाउँमा १४ औं महाअधिवेशनमा आफूलाई सभापति बन्न सघाएका प्रकाशमान सिंह र विजय गच्छदारका कोटाबाट एक एक जनालाई मन्त्री बनाइने काँग्रेसी वृत्तभित्र चर्चा छ ।