सुदूरपश्चिम सरकारमा करिब एक हजार कर्मचारी रिक्त रहेको छ । सुदूरपश्चिममा प्रदेश लोकसेवा आयोगले गत भदौमा नै कर्मचारी भर्नाको आव्हान गर्ने तयारी गरेको थियो ।

Advertisement 1

सुदुरपश्चिम सरकारले चैत ०७७ मा लोकसेवा आयोगको गठन गरेको थियो । आयोगलाई प्रदेश निजामती कर्मचारी, प्रदेश प्रहरी, प्रदेशका अन्य सरकारी सेवा, प्रदेश संगठित सेवा, प्रदेशका स्थानीय तहका कर्मचारी र प्रदेशका स्थानीय तहका संगठित संस्थाका कर्मचारी भर्ना गर्ने जिम्मेवारी दिएको छ ।

आयोग गठन भएको १० महिनासम्म पनि आयोगले काम सुरू गरेको छैन । लोकसेवा आयोगका सचिव दुर्गादत्त बिष्टका अनुसार प्रदेश सरकारले अहिलेसम्म कर्मचारी आवश्यकता बारे तथ्यांक दिएको छैन । यद्यपि, आयोले सबै तयारी गरेर बसेको उनले बताए । अहिलेसम्म प्रदेश सरकारले कर्मचारी भर्नाको माग नगरेका कारण तयारी पुगेर पनि कर्मचारी भर्नाको प्रक्रिया सुरू हुन सकेको उनी बताउँछन् ।

Advertisement 2

आयोगले रिक्त कर्मचारीको विवरण गत साउनदेखि नै पटक पटक माग गर्दै आएको छ । सचिव विष्टले आयोगको नियमावली, निर्देशिका, पदाधिकारी, कर्मचारी र विषय विज्ञको आचारसंहिता, परीक्षा दस्तुर एवं खर्च मापदण्ड र २३ विषयका पाठ्यक्रमसमेत तयार पारिसकेको बताए । भर्ना खुल्नेबित्तिकै अनलाइनमार्फत फर्म भर्न सबै प्राविधिक तयारीसमेत भैसकेको उनी बताउँछन् ।