गण्डकी प्रदेशले ठूलो संख्यामा कर्मचारी माग गरेको छ । सो प्रदेशकको स्वास्थ्य तथा जनसंख्या मन्त्रालयले विभिन्न पदमा गरी एकै पटक २ सय ९३ कर्मचारी माग गरेको छ । कोभिड रोगको रोगथाम तथा उपचारका लागि अस्थायी दरबन्दीबाट पदपूर्ति गर्नुपर्ने भएका कारण करार सेवामा स्वास्थ्यकर्मीदेखि चिकित्सकसम्म माग गरेको हो ।
मन्त्रालयले चौथो तहदेखि नवौं तहसम्मका लागि कर्मचारी माग गरेको छ । जसमध्ये स्वास्थ्य तथा जनसंख्या मन्त्रालयमा काम गर्ने गरी ४५ जना,धौलागिरी अस्पतालका लागि २२,पर्वत अस्पतालका लागि १९,बेनी अस्पतालका लागि २३,मातृशिशु मितेरी अस्पतालका लागि १६,स्याङ्जा अस्पताल १९,दमौली अस्पताल १५,लमजुङ अस्पताल २३,गोर्खा अस्पताल २६ माग गरिएको छ ।

Advertisement 1

मन्त्रालयले अनमी,अहेब,फार्मेसीदेखि चिकित्सकसम्मका पदमा विज्ञापन खुलाएको हो । योग्यता पुगेका इच्छुक नागरिकलाई मंसिर २८ गतेसम्म आवेदन दिन भनिएको छ ।