किशोरी वय पढ्ने खेल्ने,रमाइलो गर्ने उमेर । तर यही समयमा रसुवाकी चेली दीपा न्यौपानेले ‘रेकर्ड ब्रेक’ गरेकी छिन् कम उमेरमा औपन्यासिक कृति सार्वजनिक गरेर । प्रथम नेपाली नारी उपन्यासकारका रुपमा अम्बालिकादेवी,जस्ले बिस १९८९मा रजपूत रमणी कृति सार्वजनिक गरेकी थिइन । झण्डै ३३ बर्ष पछि पारिजातले ०२२ सालमा शिरीषको फूल जन्माइन,जस्ले साहित्यिक बृत्तमा हलचल मच्चायो ।

Advertisement 1

अहिले नेपाली चर्चित नारी उपन्यासकारहरुको भीडमा अग्रपत्तिंमा लिइने नाम हो,डा वानीरा गिरी,गीता केशरी,भागीरथी श्रेष्ठ,नीलम कार्की निहारीका,प्रभा बराल । यही भीडमा नवोदित उपन्यासकारको रुपमा दर्ज भएकी छिन् दीपा ।

इतिहास तिनैको लेखिन्छ,जस्ले रेकर्ड ब्रेक गर्दछ वा पहिलो बन्दछ कुनै पनि बिषयमा । रसुवाको साहित्यिक इतिहासमा पहिलो नारी उपन्यासकारको रुपमा १९ बर्षे किशोरी दीपाले इतिहास रचेकी छिन् । विज्ञान र उद्यम बिकास सहजकर्ता बिषय लिएर प्लस टु तहमा अध्ययनरत न्यौपाने कलेज समयबाट बचे खुचेको समय चोरेर युवाले भोग्ने र देख्ने संसारकै सेरोफेरोमा रहेर जन्माएकी हुन कृति शशी कला । कृति ग्रामीण परिवेशको सेरोफेरोमा घुमेको छ । स्वच्छन्दतावादी र प्रगतिशील देखिने कृतिमा प्रयोग भएका कथानक,चरित्र र परिवेश अब्बल देखिएका छन् ।