गृह मन्त्रालयको मुल्यांकनमा देशभरका ७७ जिल्लामध्ये तीन वटा जिल्लाका प्रमुख जिल्ला अधिकारी अब्बल ठहरिएका छन् । गृह मन्त्रालयले हालै सार्वजनिक गरेको रिर्पोट कार्ड अनुसार,तीन जिल्लाले ए प्लस अर्थात अति उत्कृष्ट,१४ वटा जिल्ला उत्कृष्ट,१८ जिल्ला उत्तम,२१ वटा जिल्ला मध्यम र २१ वटा जिल्लाको कार्यसम्पादन न्यून देखिएको हो ।
गृह मन्त्रालयले मातहतका निकायका अधिकारीहरुसँग गरेको कार्यसम्पादन सम्झौंताका आधारमा ती जिल्लाको रिर्पोट कार्ड बनेको हो ।

Advertisement 1

मन्त्रालयको नीति, योजना, अनुगमन तथा मूल्यांकनको आधारमा आर्थिक वर्ष २०७७/७८ मा झापासहित जअर्घाखाँची र रुकुमपूर्वलाई उत्कृष्ट कार्यसम्पादन गर्ने जिल्लाको रुपमा लिएको छ।
गृहका अनुसार कार्यसम्पादन सम्झौताको छ वटा बुँदालाई आधार बनाइएको थियो।

शान्ति सुरक्षा, अपराध नियन्त्रण, सुशासन र सेवा प्रवाह, लागुऔषध नियन्त्रण, विपद जोखिम न्युनीकरण तथा जोखिम व्यवस्थापन, विकास निर्माण अनुगमन र समन्वयरसदाचार र आर्थिक अनुशासन सम्बन्धित कार्यसम्पादनको समग्र मापन आधारमा ती जिल्लालाई उत्कृष्ट ठहर्‍याइएको मन्त्रालयले जनाएको छ ।

Advertisement 2

उत्कृष्ट सूचीमा परेकामध्ये झापामा श्रवणकुमार तिम्सिना प्रमुख जिल्ला अधिकारीका रुपमा कार्यरत छन् । यस्तै लक्ष्मी प्रसाद बास्कोटा रुकुम पूर्वको प्रमुख जिल्ला अधिकारीको रुपमा कार्यरत छन् भने अर्घाखाँचीको प्रमुख जिल्ला अधिकारीको रुपमा बिष्णु पौडेल कार्यरत छन् ।