सत्तारुढ दल नेकपा माओवादी केन्द्र निकट पेशागत संगठन नेपाल राष्ट्रिय कर्मचारी संगठन विश्वविद्यालयले तर्फको राष्ट्रिय समितिका केही पदाधिकारीहरु टुंग्याएको छ । हिजो २४ साउनमा बसेको भर्चुअल बैंठकले महासचिव,उपमहासचिव र सहचिव पदमा मनोनित गरेको हो ।
संगठनको रिक्त रहेको महासचिव पदमा सोलुखुम्बुका लोकेन्द्र आर सी,उपमहासचिवमा प्रकाश सापकोटा र सचिब पदमा तुलसि दिवस महतरालाई नयाँ जिम्मेवारी प्रदान गरिएको संगठनका अध्यक्ष दिपक तिवारीले जानकारी गराउनु भयो ।

Advertisement 1

विश्वविद्यालय भित्रका कर्मचारीहरुको पेशागत समस्या समाधान,सांगठानिक गतिशीलता, सामुहिकता र संगठन विस्तारमा जोड दिदै सबै विश्वविद्यालयका कर्मचारीहरुको भरलाग्दो पेशागत संगठनका रुपमा यसलाई स्थापित गराउने बिषयमा नवनियुक्त महासचिव लोकेन्द्र आरसीले प्रतिवद्धता जाहेर गर्नुभयो । त्यसै गरी बैठकद्वारा सबै विश्वविद्यालयमा अन्योल अवस्थामा देखिएको उपदान कोषको बारेमा बृहत् अन्तर्कृयाका साथमा विज्ञ समिती निर्माण गरी विश्वविद्यालयहरु र शिक्षा मन्त्रालय लाई ध्यानाकर्षण गराउने, नेपाल सरकारले घोषणा गरेको १० दिने पर्यटन भ्रमण बिदा र खर्च विश्वविद्यालयका कर्मचारीहरुले पनि पाउने सुनिश्चितता गर्न सम्बन्धित मन्त्रालयमा ज्ञापनपत्र बुझाउने निर्णय गरेको छ ।
सो बैठकले निश्चित सेवा अवधी पुगेका तर बढुवाको लागि बिज्ञापन नभएर वृत्ति वृत्ति विकासमा अवरोध भएका कर्मचारीहरुका लागि तत्काल् तहगत बढुवाको आवेदन खुलाउन सम्बन्धित पक्षलाइ ध्यानाकर्षण गराउने र लामो समयदेखि स्थायी हुन नसकेका कर्मचारीहरुको स्थायी प्रक्रिया अघि बढाउन सम्बन्धि पक्ष सामु माग राखिने निर्णय भएको उपमहासचिव प्रकाश सापकोटाले बताउनु भयो ।