बलात्कार आरोप लागेपछि बैतडीको पुर्चौडी बहुमुखी क्याम्पसका प्रमुख राजेन्द्र नेगीले राजीनामा दिएका छन् । ज्याला मजदुरी गर्दै आएकी एक महिलाले बलात्कार गरेको आरोप लगाएपछि नेगीले पदबाट राजीनामा दिएका हुन् ।

Advertisement 1

क्याम्पस प्रमुख राजेन्द्र नेगीले पानी माग्ने वहाना बनाएर ती महिला मजदुरलाई बलात्कार गरेको आरोप लागेको हो । २० असारमा क्याम्पस प्रमुख नेगीले मजदुर महिलालाई बलात्कार गरेको बताए । पीडित महिलाले आफूमाथि बलात्कार भएको बताउँदै कैलालीबाट मुद्दा दर्ता गरेकी थिइन् । चौधरी समुदायकी ती महिलाले पुर्चौडी बहुमुखी क्याम्पसका प्रमुख नेगीले राति २ बजे जबरजस्ती करणी गरेको बताएकी छन् । क्याम्पस प्रमुख नेगीले २० असारमा राति पानी माग्ने बहानामा मुख थुनेर आफूमाथि बलात्कार गरेको ती महिलाको आरोप छ ।

अहिले ती मजदुर महिलालाई श्रीमानले समेत छोडेका छन् । ती महिला कैलालीमा आफ्नो माइतीघरमा बसिरहेकी छिन् । हामीले पीडित महिलासँग कुरा गर्दा उनी निकै विक्षिप्त अवस्थामा थिइन् । मधुरो स्वरमा कुरा गर्दै आफू अलपत्र अवस्थामा रहेको उनले बताइन् । २२ असारमा बैतडीबाट फर्किएर माइतीघरमै बस्दै आएको उनको भनाइ छ ।