राष्ट्रपति विद्यादेवी भण्डारीले रामेछापका वरिष्ठ अधिवक्ता रामप्रसाद भण्डारीलाई न्याय परिषद्को सदस्य नियुक्त गरेकी छिन्। प्रधानमन्त्री केपी शर्मा ओलीको सिफारिशमा राष्ट्रपति भण्डारीले बिहीबार न्याय परिषद् सदस्य नियुक्त गरेकी हुन्। रामेछाप घर भएका उनी देवानी, जग्गा र गुठी सम्बन्धी मुद्दामा लामो समय अभ्यास गरेका कानुन व्यवसायी हुन्।

Advertisement 1

न्याय परिषद् सदस्य लक्ष्मीबहादुर निरालाको २१ वैशाखमा कोभिड १९ को संक्रमणबाट निधन भएको थियो। उनको ठाउँमा भण्डारीलाई न्याय परिषद् सदस्य नियुक्त गरिएको हो।

प्रधानन्यायाधीशको नेतृत्वमा रहने न्याय परिषद्‌मा सर्वोच्च अदालतका वरिष्ठ न्यायाधीश, कानून, न्याय तथा संसदीय मामिलामन्त्री, नेपाल बार एसोसिएसनको सिफारिश र प्रधानमन्त्रीको सिफारिशमा राष्ट्रपतिद्वारा नियुक्त हुने दुई जना सदस्य रहने व्यवस्था छ।