ईपीएस आवेदकको चाप बढेपछि राहदानी विभाग २ सिफ्टमा सञ्चालन हुने
काठमाडौं। दक्षिण कोरियाको रोजगार अनुमति प्रणाली (भ्एक्) अन्तर्गत आवेदन दिने नेपाली सेवाग्राहीको संख्या उल्लेख्य रूपमा बढेपछि राहदानी विभागले विद्युतीय राहदानी सेवा २ सिफ्टमा सञ्चालन गर्ने भएको छ।
Advertisement 1
परराष्ट्र मन्त्रालयअन्तर्गतको राहदानी विभागले मंगलबार सूचना जारी गर्दै (आज) साउन १४ गतेदेखि २२ गतेसम्म विभागको सेवा बिहान ७ बजेदेखि बेलुकी ९ बजेसम्म २ सिफ्टमा सञ्चालन गरिने जनाएको छ।
विभागका अनुसार पहिलो सिफ्ट बिहान ७ बजेदेखि दिउँसो २ बजेसम्म र दोस्रो सिफ्ट दिउँसो २ बजेदेखि बेलुकी ९ बजेसम्म सञ्चालन हुनेछ।
Advertisement 2
यसैगरी, सेवाग्राहीको सुविधालाई ध्यानमा राख्दै सार्वजनिक बिदाका दिन शनिबार र आइतबार पनि बिहान १० बजेदेखि बेलुकी ४ बजेसम्म राहदानी सेवा उपलब्ध गराइने विभागले जनाएको छ।
दक्षिण कोरियाको ईपीएस प्रक्रियाका लागि राहदानी बनाउन आउने सेवाग्राहीको चाप बढेपछि सेवा प्रवाहलाई सहज, छिटो र प्रभावकारी बनाउन विशेष व्यवस्था गरिएको विभागको भनाइ छ।
Advertisement 3
राहदानी विभागले नागरिकलाई सहज र प्रभावकारी सेवा प्रदान गर्न आफू प्रतिबद्ध रहेको समेत जनाएको छ।
