दुवै आँखा देख्न नसक्ने १० वर्षिय बालक दिपक थामीको उपचारका लागि आर्थिक अभाव भएको छ । आर्थिक अभाव भएपछि उनका परिवारले सहयोगको अपिल गरेका छन् ।

Advertisement 1

कालिञ्चोक गाउँपालिका, ६ धराम्थाली निवासी १० बर्षीय दिपक थामीका दुवै आँखा कमजोर रहेको उनका बुबा डिल्ली थामीले बताए । ‘रातमा मात्र अलि अलि देख्ने र दिउसो नदेख्ने भएकाले हामी समेत तनावमा छौं ।’ उनले भने ।

आँखामा समस्या भएपछि चेकजाँचका लागि अस्पताल जाँदा चिकित्सकले दुबै आँखाको उपचार गर्नुपर्ने र त्यसका लागि ७ देखि ८ लाख लाग्ने भएपछि उनले छोरालाई नयाँ जीवन दिलाइदिन अपिल समेत गरे । त्यो पैसा सम्भव नभएको भन्दै आमा कल्पना थामीले भनिन् ‘मिल्यो भने म आफ्नो मृगौला बेचेर भएपछि छोराको उपचार गर्छु ।’ उनले छोराको उपचारका लागि सबैसंग सहयोगको आग्रह गरेकी छिन् । दिपक थामीको नाममा सिद्धार्थ बैंकमा खाता रहेको भन्दै खाता नं। 03614000904 मा रकम जम्मा गर्न सकिने पनि बताईएको छ ।