डाक्टरको लापरवाहीका कारण बच्चा र आमाको ज्यान जोखिममा
वीरगन्जमा चिकित्सक प्रसुति रोग विशेषज्ञको चरम लापरवाहिको कारण प्रसुति महिला र बच्चाको ज्यान जोखिममा परेको छ । वीरगन्जमा संञ्चालनमा रहेको एड्भान्स मेडिकेयर अस्प्तालका चिकित्सक प्रसुति रोग विशेषज्ञ डा. सलमा बानु बारम्बार विवादमा तानिएकी छिन् । पैसा लुट्ने मनसायले गर्भवती महिलालाई दबाब दिई शल्यक्रिया गरि प्रसुति गरेकी डा. बानुको चरम लापरवाहीको कारण प्रसुति महिला र बच्चा दुबैको अवस्था गम्भिर रहेको छ ।
Advertisement 1
वीरगन्जको एडभान्स मेडिकेयर अस्पितालमा शल्यक्रिया गरेर बच्चा निकालेको प्रसुति महिलाको स्वास्थ्यमा गम्भिर प्रकारको समस्या आएपछि डा. बानु पुनः विवादमा तानिएकी छिन् । पर्साको पोखरिया नगरपालिका निवासी २५ वर्षीय निशा गुप्ताको शल्यक्रिया गरेर बच्चा निकालेपछि निशाको स्वास्थ्यमा समस्या देखिएको थियो ।
डा. बानुले गरेको शल्यक्रिया पश्चात प्रसुति महिलाको विशाब द्वारबाट दिशा हुन थालेपछि र कुन बेला दिशा भयो भनेर आफैलाई थाहा नभएपछि आफन्तले शल्यक्रियामा लापरवाही भएको भन्दै अस्पतालमा डा। बानु विरुद्धमा विरोध प्रदर्शन समेत गरेका थिए । डा। बानुको लापरवाहीको कारण निशाको ज्यान जोखिममा परेको श्रीमान् श्यामकिशोर प्रसादले जानकारी दिए । शल्यक्रियाको क्रममा पिशाब नली एवं दिशाको नशा काटिन सकेको हुन सक्ने बताइएको छ ।
Advertisement 2
निशालाई बच्चा गर्भमा बसेदेखि नै डा. बानुको निगरानीमा चेकजाँच गराउँदै आएकोमा प्रसुति गर्ने बेलामा जबरजस्ती दबाब दिएर शल्यक्रिया गरेको बताए । नर्मल डेलिभरि हुने हुने अवस्था भएपनि डा. बानुले बच्चाले गर्भवती महिलाको पेटमै दिशा खाइसकेको छ, विभिन्न समस्याहरु आउन सक्छ भनेर आफन्तलाई डराएर शल्यक्रिया गराउन बाध्य बनाएको श्रीमान् श्यामकिशोरको भनाई छ ।
