लागुऔषध ओसारपसारः ९९ जनाविरुद्ध पैँसट्ठी मुद्दा दर्ता
काठमाडौं। नेपाल प्रहरीले यहाँ गत माघ महिनामा लागुऔषध कारोबारका अभियोगमा ९९आरोपीलाई पक्राउ गरेको छ।
Advertisement 1
जिल्ला प्रहरी परिसर काठमाडौँका अनुसार गत माघ महिनामा काठमाडौँका विभिन्न क्षेत्रका गरिएको खोजी अभियानका क्रममा सात महिलासहित ९९ जनालाई लागुऔषधसहित पक्राउ गरिएको र उनीहरुविरुद्ध ६५ मुद्दा दर्ता भएको छ।
परिसरका प्रवक्ता, प्रहरी उपरीक्षक पवनकुमार भट्टराईले उनीरुबाट खैरो हेरोइनमात्रै ५५.१८ ग्राम बरामद भएको छ। यस्तै लागुऔषध ट्रमाडोल मात्रै २३ हजार ३०० ट्याबलेट र नाइट्राजेपाम २ हजार ८१३ एम्पल बरामद गरिएको छ।
Advertisement 2
गाँजा २ किलो, डाइजेपाम ९३ एम्पुल, फेनारगन ६२ एम्पुल, नुर्फिन १५१ एम्पुल, नाइट्राभेट १० एम्पुल बरामद गरिएको छ। यस्तै स्पामो १२६ क्याप्सुल पोल्याण्ड ६७८ ग्राम पनि बरामद गरिएको प्रहरीले जनाएको छ।
काठमाडौँ प्रहरीका अनुसार गएको १ महिनाको अवधिमा आात्महत्याका ३६ घटना भएको छ। यसमा १९ देखि ३९ वर्षका २७ छन्। आात्महत्या गर्नेमा २४ पुरुष रहेका पनि प्रहरीले जनाएको छ।
Advertisement 3
अनुचित लेनदेनतर्फ ७ मुद्दा दर्ता भएको र २ मुद्दा मिलापत्र भएको पनि प्रहरीले जानकारी दिएको छ। ती मुद्दाहहरुमा रु ८ करोडभन्दा बढीको मागदाबी रहेको काठमाडौँ प्रहरीले जानकारी दिएको छ।
