उपत्यकामा जारी निषेधाज्ञा थप एक साता लम्बिने भएको छ । उपत्यकामा तिनै जिल्ला काठमाडौं,ललितपुर र भक्तपुरका प्रमुख जिल्ला अधिकारीहरुको बैठकले निषेधाज्ञा अझैं कडाई गर्ने तयारी गरेको छ । थपिएको निषेधाज्ञा जेठ २० गते मध्यरातसम्म लागू हुनेछ ।
उपत्यकाका तीन वटै जिल्ला प्रशासन कार्यालयले आज एक दिन भित्रमै एक हप्ताको लागि पुग्‍ने खाद्यान्न किनेर राख्न अनुरोध गरेको छ। हिजो बसेको बैठकले थपिने निषेधाज्ञालाई अझ प्रभावकारी बनाउन भन्दै प्रशासनले किराना पसल तथा डिपार्टमेन्टल स्टोर पनि बन्द गर्ने निर्णय गरेको छ। सोही कारण एक हप्ता निषेधाज्ञा थप्ने निर्णय गरेको छ।

Advertisement 1

सागसब्जी, माछामासु, दूधलगायत बिहान ९ बजेसम्म बेच्न अनुमति दिइएको छ। तर त्यसपछि तरकारी पसल पनि खोल्न नपाइने गरी प्रशासनले कडा पारेको हो। हरेक दिन मानिसहरु दाल चामल किन्न जाने भनेर भीडभाड गरेको हुँदा एक हप्ता किराना तथा डिपार्टमेन्टल स्टोर बन्द गर्ने निर्णय गरिएको हो । १२ दिन अगाडि थपेको निषेधाज्ञा १३ गते बिहीबार राति १२ बजे सकिँदैछ। शुक्रबार १ बजेदेखि थप एक साता निषेधाज्ञा थपिएको हो।

Advertisement 2

यस्तै, बैंकका कर्मचारीहरूको पनि भीड बढेको भन्दै प्रशासनले जिल्लामा शाखा बैंकको हकमा प्रधान कार्यालय दुई वटा शाखा र वाणिज्य बैंकको हकमा प्रधान कार्यालय र तीन वटा शाखा खोल्न अनुमति दिएको छ।