काठमाडौं। आईसिसी महिला टी(२०) विश्वकप ग्लोबल छनोट प्रतियोगिता अन्तर्गत आज त्रिभुवन विश्वविद्यालय क्रिकेट रङ्गशालामा सम्पन्न सुपर सिक्स चरणको खेलमा आयरल्यान्डले थाइल्यान्डमाथि ६२ रनको जित हासिल गर्दै छनोट प्रतियोगिता टुङ्ग्याएको छ।

Advertisement 1

टस जितेर ब्याटिङ रोजेको आयरल्यान्डले २० ओभरमा ८ विकेट गुमाउँदै १२१ रनको मध्यम योगफल बनाएको थियो। त्यसमा गाबी लेउसले २५ तथा एमी हन्टर र ओर्ला पेन्डरगस्टले २४÷२४ रनको योगदान गरेका थिए।

प्रति ओभर करिब ६ को आवश्यक रन रेटसहित ब्याटिङमा उत्रिएको थाइल्यान्डले ६.१ ओभरमा सबै विकेट गुमाएर मात्र ५९ रन बटुल्न सक्यो। कप्तान नारुमोल चाइवाइले २२ रन र नान्नपत कोन्चारनले १५ बनाउनु बाहेक कुनै पनि थाइ ब्याटरले दोहोरो अङ्कमा रन बनाउन सकेनन् भने ४ जना ब्याटर शून्यमा आउट भए।

Advertisement 2

थाइल्यान्डलाई सस्तैमा समेटन आयरल्यान्डकी आर्लेन केलीले ४ र लारा म्याक ब्राइडले ३ विकेट लिइन। आयरल्यान्ड आजको खेलअघि नै विश्व कपमा छनोट भइसकेको हो।