काठमाडौं। स्थानीय बजारमा आज पनि सुनचाँदीको मूल्यले कीर्तिमान कायम गरेको छ। शुक्रबारको तुलनामा आज प्रतितोला सुन रु २ हजार ४०० र चाँदी रु २ सय ९० ले बढेको छ।

Advertisement 1

नेपाल सुनचाँदी व्यवसायी महासङ्घका अनुसार आज १ तोला छापावाल सुनको मूल्य रु ३ लाख ३ हजार ८०० त्यति नै चाँदीको मोल रु ६ हजार ४८० कायम भएको छ।

गत शुक्रबार १ तोला छापावाल सुनको मूल्य रु ३ लाख १ हजार ४०० र त्यति नै चाँदीको मोल रु ६ हजार १९० कायम भएको थियो।

Advertisement 2

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा १ औँस सुन ४ हजार ९८७ र त्यति नै परिमाणको सेतो धातु १०३ अमेरिकी डलरमा कारोबार भइरहेको छ।