मन्त्रीको झण्डावाल गाडीले केही बेर अघि उपसचिवको गाडीलाई ठक्कर दिई अगाडिको भाग कच्याककुचुक पारेको छ । ट्राफिक सिग्नल मिच्दै सिंहदरबारको मुल गेटबाट भित्र पस्न खोजेको मन्त्रीको झण्डावाल गाडीले पर्यटन मन्त्रालयको गाडीलाई ठक्कर दिँदा उपसचिवले चढ्दै आएको गाडीमा क्षति पुगेको हो ।

Advertisement 1

प्रदेश १ का आर्थिक मामिला तथा योजना मन्त्री टंक आङबुहाङ सवार को अ झ ६९९ नम्बरको गाडी र नागरिक उड्डयन मन्त्रालयका उपसचिव गुरु खतिवडाले चलाएको बा २ झ १९६१ नम्बरको गाडी ठक्कर दिँदा उपसचिव खतिवडा चढ्ने गाडीको अगाडिको भाग कच्याककुचुक भएको छ ।

मन्त्रीको गाडीले बिना संकेत वीचबाट देब्रे मोडेर सिंहदरवारको मूल गेटबाट छिर्न खोज्दा पछाडिबाट आउँदै गरेको उपसचिवको गाडी ठोक्किई क्षति पुगेको छ ।

Advertisement 2

उपत्यका ट्राफिक प्रहरी कार्यालय (रामशाहपथ) अगाडि मन्त्री सवार गाडीले ट्राफिक नियम मिचेर गाडी चलाई सिंहदरबारतिर छिर्न खोज्दा उपसचिव सवार गाडी ठक्कर खाई क्षति पुगेको हो ।