५ पुसमा प्रतिनिधि सभा बिघटन पछि तोकिएको थियो १७ र २७ वैशाखको मितिमा निर्वाचन । र,रमाइलो संयोग त्यही दिनको छेको पारेर प्रधानमन्त्री ओलीले संसदमा विश्वाशको मत लिने भएका छन् । एकातिर माधव नेपाल पक्षधरले उहाँलाई विश्वाशको मत दिने अबस्था छैन् । कांग्रेसले पनि पत्याइहाल्ने अबस्था छैन् । जसपाभित्र पनि वावुराम र उपेन्द्र यादवहरुको एउटा मोर्चा छ । अहिले उहाँलाई पत्याएर मत दिने भनेको पूर्व राजपाका सांसदहरु मात्र हुन् । यस्तो अवस्थामा प्रधानमन्त्री ओलीले किन आफैं अग्रसर भएर विश्वाशको मत लिन लागेको होलान् ? त्यो मिति पनि किन २७ वैशाखकै राखिएको होला ? फेरि नेपाली राजनीति फेरि अर्काे गम्भीर मोडमा आइपुगेको छ । विश्वाशको मत लिने भनेको सांसदको टाउकै गन्ने हो । प्रतिनिधिसभामा २७५ सांसद छन् । जसमध्ये माओवादीछाडेर ओलीतिर लागेर मन्त्री भएका रामबहादुर थापा,लेखराज भट्ट,प्रभु साह र गौरीशंकर चौधरीहरु निलम्बित छन् । यी ४ ले मत दिन पाउँदैनन् । जसपाका रेशम चौधरी,हरिनारायण रौनियार र कांग्रेसका विजय गच्छदार र अफताब आलम गरी ४ सांसद निलम्बित छन् यसो हुँदा १६७ को टाउको गनिन्छ । र बहुमत पुग्नका लागि वा सरकार बनाउनका लागि चाहिने मत हो १३४ । संसदमा कांग्रेससँग ६१ सांसद छन् । माओवादी केन्द्रसँग सभामुखसहित ४९, जसपा ३२,मजदुर किसान पार्टी १,राप्रपा र राजमोका एक एक सांसद छन् ।

Advertisement 1

जसमध्ये पूर्व एमालेसँग १२१ सिटमात्र हो । जसमध्ये माधव झलनाथ खेमाका सांसदहरु छानीछानी ३३ जना सांसदलाई स्पष्टिकरण सोकिएको हो । माधव नेपाल समूहका ४१ सांसद थिए प्रतिनिधिसभामा । जसमध्ये शेरबहादुर तमाग,लालबाबु पण्डित,माया न्यौपाने,विष्णु शर्मा,कृष्णभक्त पोखरेल,ध्रुवकुमार शाही, पार्वती बिसुंखे, गंगा चौधरी सतगौंवादेखि विष्णु रिजालकै जिल्लाबासी सांसद राजवहादुर बुढा ओली क्याम्प नजिक छन् । यसो हुँदा अहिले माधव नेपाल समूहुँग ३० सांसद मात्र छन् । एमालेका पूरा सांसद ओलीको पक्षमा उभिएमा सजिलै बहुमत पुग्ने अवस्था छ । तर, एमालेमा माधव नेपाल पक्षले कर्णाली घटना र लुम्बिनी घटना दोहोर्याएर ओलीविरुद्ध भोट हालेको खण्डमा ओलीले विश्वासको मत नपाउन सक्छन् । माधव नेपाल पक्षधर सांसदले साथ नदिएको खण्डमा ओली सरकार अविश्वाशमा पर्दछन् ।
ओली पक्षका एक नेताले सुनाए अनुसार, नेपाल पक्षका बढीमा १० जनाले फ्लोर क्रस गर्दछन् । जस्तो कि योगेश भट्टराईहरु पनि फ्लोर क्रस गर्ने पक्षमा छैनन् । यसो गर्दा आफूहरु फुट चाहेको सन्देश जाने हुँदा फ्लोर क्रस नगर्ने पक्षमा माधव नेपाल खेमाका खास मानिएका योगेशहरु नै छन् । जसपाका महन्थ ठाकुर र राजेन्द्र महतो पक्षका १८ मत,राजमो र राप्रपालाई तान्दा ओली खेमाले पाउने मत आधा आधा हुन आउने उनीहरुको आँकडा छ ।
नेपाल पक्षले फ्लोर क्रस गरेमा कुनै पनि पक्षको बहुमत पुग्दैन । प्रतिनिधि सभा बिघटन हुन्छ र मुलुक चुनावतिर जान्छ । ओलीले भित्रैदेखि चाहेको पनि त्यही हो । यसरी ओली अल्पमतमा परेर सरकार ढलेको खण्डमा माधव नेपाल खेमा वा त कुनै नयाँ दल दर्ता गरेर चुनावमा जानुपर्ने हुन्छ वा प्रचण्डको पार्टीमा विलय भएर निर्वाचनम होमिनेछन् ।
यता माधव पक्षले भने भित्रभित्रै अर्काे तयारी गरिरहेको छ । प्रधानमन्त्री ओली जसरी हुन्छ संसद बिघटन गरेर फेरि चुनावमा जाने तयारी गरिरहे पछि माधव समूहका सांसदहरुले सामुहिक राजीनामा दिने बारे छलफल चलाएका छन् । उनीहरुले संसद बैठक डाकिएको २७ गतेकै सेरोफेरोमा सभामुख समक्ष राजीनामा दिएर ओलीलाई अप्ठ्यारोमा पार्न रणनीति लिएका छन् । अहिले एमालेसँग १२१ सांसद रहेकोमा माधव नेपाल खेमाका कम्तिमा २१ जना सांसदले मात्र राजीनामा दिएको खण्डमा घटनाक्रम अर्कै ढंगले विकसित हुनेछ । ओलीको पक्षमा बहुत पुग्दैन नै अर्काे पक्षको बहुत पुगी उसैको सरकार बन्नेछ । त्यसो हुँदा शेरबहादुर वा वावुराम भट्टराईमध्ये कोही प्रधानमन्त्रीको रुपमा उदय हुन सक्नेछन