ललितपुरका सिडिओलाई कोरोना संक्रमण
ललितपुरका प्रमुख जिल्ला अधिकारी ढुण्डीप्रसाद निरौलालाई कोरोना भाइरसको संक्रमण पुष्टि भएको छ ।
Advertisement 1
मंगलबार बिहान आएको रिपोर्टअनुसार आफूलाई संक्रमण पुष्टि भएको उनले जानकारी दिए । उनी हाल होम आइसोलेसनमा बसिरहेका छन् । आफूमा कोरोना संक्रमण पुष्टि भएकाले आज हुने भनिएको उपत्यकाका सीडीओबीचको बैठकमा आफ्नो भौतिक उपस्थिति नरहने निरौलाले जानकारी दिए ।
प्रविधिको प्रयोगमार्फत बैठकमा मेरो उपस्थिति हुनेछ, भौतिक रुपमा सहायक प्रमुख जिल्ला अधिकारीको सहभागिता रहनेछ’, उनले भने । निरौला होम आइसोलेसनमा छन् । ‘मेरो स्वास्थ्य अवस्थामा समान्य नै छ । तै पनि सजक त हुनुपर्यो । त्यसैले मैले घरबाटै अनलाइनमार्फत बैठकमा उपस्थिति जनाउनेछु’, उनले भने । यस्तै, कोरोना रोकथाम तथा नियन्त्रणबारे थप निर्णय गर्नका लागि मंगलबार उपत्यकाका सीडीओहरुको बैठक बस्दै छ ।
प्रकाशित :२०७८ बैशाख २१, मंगलवार १३:३९
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
