नेपाली कांग्रेसका नेता गगन थापाले प्रधानमन्त्री केपी शर्मा ओलीको प्राथमिकतामा अझै पनि कोरोना महामारी नपरेको भन्दै आपत्ति जनाएका छन्।

Advertisement 1

“प्रधानमन्त्रीज्यू यो लडाइमा हामी सक्दैनौं भनेर मन्त्रालयले हात उठाउने अनि तपाईंको प्राथमिकतामा अझै पनि महामारी नपर्नु आपत्तिजनक छ,” उनले सामाजिक सञ्जाल फेसबुकमा लेखेका छन्, “कठिन छ तर अझै हामीसँग उपलब्ध स्रोत, साधन, जनशक्तिको सदुपयोग गरेर क्षति न्यूनीकरण गर्न सकिने ठाउँ छ । त्यसका लागि उपाय जानेकाहरुको कुरा सुन्न र आवश्यक निर्णय लिन सरकार तयार हुनुपर्छ । प्रधानमन्त्रीज्यू, हामी साथ दिन तयार छौं । कृपया अब त अहंकार र अकर्मण्यताको धरहराबाट ओर्लनुस् ।”

यद्यपि कोरोना संक्रमणको अहिलेको भयावह अवस्थामा सरकार एक्लैले यसको सामना गर्न नसक्ने भन्दै उनले यसका लागि आम नागरिक सचेत, सतर्क र जिम्मेवार बन्र्नु पर्ने बताएका छन् । अहिलेको कोरोना संक्रमणको भयावह अवस्थामा सरकार एक्लैले सामना गर्न नसक्ने भन्दै उनले सबै पक्ष र आमनागरिक जिम्मेवार बन्नैपर्ने पनि उनको भनाइ छ।