बुधबार नेपालमा ४,८९७ जना कोरोनाभाइरस संक्रमित थपिएका छन् । स्वास्थ्य मन्त्रालयका अनुसार काठमाडौं उपत्यकामा मात्र २,०४७ जना संक्रमित थपिएका छन् । आज मात्रै १४ हजार ८३४ परीक्षण भएका छन् ।

Advertisement 1

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर ४ हजार ८ सय ९७ जनामा कोरोना संक्रमण पुष्टि भएको हो । जसमध्ये ४७ सय ७४ जनाको पीसीआर पोजेटिभ र १२३ जनाको एन्टिजेन पोजेटिभ भएको मन्त्रालयले जनाएको छ । आज देशभर १३ हजार ८ सय ७९ जनाको पीसीआर र ९५५ जनाको एन्टिजेन परीक्षण गरिएकोमा सो परिमाणको नतिजा आएको हो । त्यस्तै हाल नेपालमा ३० हजार २ सय ९ जना कोरोना संक्रमित रहेका छन् । यसो त नेपालमा ४३ सय बढीमा कोरोना देखिएको थियो ।

त्यस्तै आज काठमाडौं उपत्यकामा एकैदिन २ हजार भन्दा बढीमा कोरोना संक्रमण पुष्टि भएको छ । जसमध्ये काठमाडौंमा मात्रै १४ सय ६४ जनामा कोरोना संक्रमण पुष्टि भएको हो । त्यस्तै भक्तपुरमा २३२ र ललितपुरमा ३५१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

Advertisement 2