जनकपुर बोल्ट्सलाई सुदूरपश्चिमले दियो १२४ रनको लक्ष्य
काठमाडौं। जारी एनपीएलमा बुधबार बिहान भइरहेको खेलमा सुदूरपश्चिम रोयल्सले जनकपुर बोल्ट्सलाई जितका लागि १२४ रनको लक्ष्य दिएको छ।
Advertisement 1
टस हारेर पहिला ब्याटिङको निम्तो पाएको सुदूरपश्चिमले निर्धारित ओभरमा ९ विकेट गुमाएर १२३ रन बनाएको हो। सुदूरपश्चिमका ओपनर सैफ अलि जैब र विनोद भण्डारीले राम्रो सुरुवात गरे पनि मध्यक्रमको ब्याटिङ नचल्दा झिनो स्कोर बनाएको हो।
ओपनर जैबले २१ ब्लमा २१ त्था भण्डारीले ३७ बलमा ३३ रन बनाए। त्यस्तै ब्राण्डन म्याक्मुलनले ११, तथा इशन पाण्डेले १७ रनको योगदान दिए। कप्तान दिपेन्द्र ऐरी शून्य रनमा आउट भए।
Advertisement 2
जनकपुर बोल्ट्सका लागि किशोर महतोले ४ ओभरमा ३५ रन दिएर ४ विकेट लिए। त्यस्तै शेर मल्ल र अर्निको यादवले २–२ तथा हर्ष थाकरले १ विकेट लिए।
बोल्ट्स र रोयल्सले आफ्नो पाँचौं खेल खेलिरहेका छन्। बोल्ट्सले यसअघिका सबै ४ खेल जितेका छन् भने रोयल्सले ३ मा जित तथा १ मा हार व्यहोरेको छ।
