काठमाडौं। जारी एनपीएलमा लुम्बिनी लायन्सले पोखरा एभेन्जर्सलाई १७१ रनको लक्ष्य दिएको छ। टस जितेर ब्याटिङ गरेको रोहित पौडेल नेतृत्वको लुम्बिनीले निर्धारित ओभरमा ५ विकेट गुमाएर १७० रन बनाएको हो।

Advertisement 1

पौडेलले अन्तिम बलमा रन आउट हुनुअघि ५९ बलमा ९५ रनको कप्तानी पारी खेले। लुम्बिनीका लागि टम मुरसले ३८ बलमा ४५ रनको योगदान दिए।

लुम्बिनीको ओपनिङ ब्याटरद्वय आशुतोष घिरैया र उन्मुक्त चन्द शून्य रनमै आउट भएपछि कप्तान रोहित र मुरसले सम्हालेर इनिङ्स उकासे।

Advertisement 2

यसअघि पोखरा आफ्ना दुइटै खेल र लुम्बिनी आफ्नो पहिलो खेलमा पराजित टिम हुन्।

पोखराको कप्तानी कुशल भुर्तेलले सम्हालिरहेका छन्। शुक्रबार बिहान भएको खेलमा कर्णाली याक्सले चितवन राइनोजलाई पराजित गरेको थियो।