काठमाडौं। ग्लोबल आइएमई बैंकमा नयाँ खाता खोल्दा नियमित सुविधासहित ५ वटा थप सुविधा पाइने भएका छन्। त्यसका लागि बैंकले नयाँ योजना सार्वजनिक गरेको छ। योजनाअन्तर्गत बैंकमा खाता खोल्दा आकर्षक ब्याजदर तथा अन्य नियमित सुविधाहरु सँगसँगै डिम्याट खाता, मेरो शेयर, सि–आस्वा, तथा टिएमएस खाता खोल्न आवेदन दिन पाइने बैंकले जानकारी दिएको छ।

Advertisement 1

ग्लोबल आइएमई क्यापिटलमा धितोपत्रको कारोबार (खरिद तथा विक्री) का लागि आवश्यक पर्ने डिम्याट खाता र सोको सञ्चालनका लागि मेरो शेयर, आइपिओ भर्न चाहिने सि–आस्वा रजिष्ट्रेशन नम्बर र जेबिएनएल सेक्यरिटिजमा शेयर बजारमा शेयर खरिद तथा विक्रीका लागि आवश्यक पर्ने टिएमएस खाता सुविधा ग्राहकले पाउने बैंकको भनाइ छ।

यो सुविधा बैंकले हालसालै सार्वजनिक गरेको डिजिटल युनिभर्समा पनि उपलब्ध रहेको बैंकले जनाएको छ। डिजिटल युनिभर्सको माध्यमबाट घरमै बसी आवश्यकता अनुसार यो सुविधा प्रयोग गर्न सकिनेछ।