आईएमइ र कमर्स प्लेक्सबीच सम्झौता
काठमाडौं। आईएमइ लिमिटेड र कमर्स प्लेक्सबीच रेमिट्यान्ससम्बन्धी सम्झौता गरिएको छ। सम्झौतामा आइएमई लिमिटेडका प्रमुख कार्यकारी अधिकृत दिवाकर पौडेल, आईएमईका महाप्रबन्धक बद्री कटुवाल र कमर्स प्लेक्स लिमिटेडका व्यवसाय प्रमुख शाहरोज ए खानले हस्ताक्षर गरेका छन्।
Advertisement 1
सम्झौता कार्यक्रममा नेपाल र बंगलादेशका कन्ट्री म्यानेजर सञ्जना फरीद, नेपालका डेपुटी कन्ट्री म्यानेजर शैलेन्द्र जोशीलगायतको पनि उपस्थिति थियो।
कार्यक्रममा कमर्स प्लेक्स लिमिटेडका व्यवसाय प्रमुख शाहरोजले आइएमई लिमिटेडसँगको साझेदारीले वित्तीय समावेशीकरण र अतुलनीय सेवाको गुणस्तर प्रदान गर्न र प्रवासीहरूलाई भरपर्दो च्यानलहरूमार्फत पैसा पठाउनको लागि सशक्त बनाउन महत्वपूर्ण कदम अगाढी बढेको बताए।
Advertisement 2
आईएमइ लिमिटेड तथा कमर्स प्लेक्स लिमिटेड बीच यो साझेदारीले दुवै पक्षलाई अतुलनीय फाइदा पुग्ने विश्वास लिइएको छ।
