चितवन। कञ्चनपुरबाट काठमाडौं आउँदै गरेको बस ठूलो दुर्घटनाबाट जोगिएको छ।

Advertisement 1

नारायणगढ–मुग्लिन सडक खण्डअन्तर्गत भरतपुर महानगरपालिका–२९ घुमाउनेमा यात्रुवाहक बस ठूलो दुर्घटनाबाट जोगिएको हो। सडक छेउको बारले रोक्दा नदीमा खस्नबाट जोगिएको हो। रोकिएको उक्त बसमा सवार १५ जना घाइते भएका छन्।

कञ्चनपुरको महेन्द्रनगरबाट काठमाडौंतर्फ जाँदै गरेको सुदूरपश्चिम प्रदेश ०२–००१ ख १३३२ नम्बरको बस दुर्घटना हुँदा उनीहरु घाइते भएका हुन्।

Advertisement 2

घाइतेमध्ये दुई जनाको अवस्था गम्भीर रहेको जिल्ला प्रहरी कार्यालयका प्रहरी नायब उपरीक्षक भेषराज रिजालले जानकारी दिए। घाइते सबैको चितवन मेडिकल कलेजमा उपचार भइरहेको छ।