काठमाडौं। नेपाली बजारमा सोमबार सुनको मूल्य प्रतितोला १ हजार रुपैयाँले घटेको छ। नेपाल सुनचाँदी व्यवसायी महासंघका अनुसार आइतबारको तुलनामा सोमबार सुनको मूल्य घटेको हो।

Advertisement 1

सोमबार छापावाल सुनको मूल्य प्रतितोला १ लाख ४१ हजार रुपैयाँ कायम गरिएको महासंघले जानकारी दिएको छ। यसअघि आइतबार छापावाल सुनको मूल्य प्रतितोला १ लाख ४२ हजार रुपैयाँ रहेको थियो।

सोमबार तेजावी सुनको मूल्य प्रतितोला १ लाख ४० हजार ३ सय रुपैयाँ कायम गरिएको छ। यसअघि आइतबार तेजावी सुनको मूल्य प्रतितोला १ लाख ४१ हजार ३ सय रुपैयाँ रहेको थियो।

Advertisement 2

पछिल्लो समय नेपाली बजारमा सुनचाँदीको मूल्यमा निरन्तर उतारचढाव भइरहेको छ। आइतबार प्रतितोला १ हजार ८ सय ५० रुपैयाँका दरले कारोबार भएको चाँदी सोमबार १५ रुपैयाँले घट्दै प्रतितोला १ हजार ८३५ रुपैयाँ कायम गरिएको छ।