काठमाडौं । सशस्त्र प्रहरी बलका १६ जना प्रहरी नायव महानिरीक्षक (डीआईजीपी)को सरुवा भएको छ । उपप्रधान एवं गृहमन्त्री रवि लामिछानेले डीआईजीको सरुवा गरेका हुन् । डीआईजी ई.किशोर प्रधानको नम्बर–९ पशुपति बाहिनी मुख्यालयमा सरुवा भएको छ भने नम्बर–३ गढीमाई बाहिनीमा गणेश ठाडामगरको सरुवा भएको छ ।

Advertisement 1

यस्तै नम्बर–५ बिन्ध्यावासिनी बाहिनीमा अभिकुमार खत्री र नम्बर–४ मुक्तिनाथ बाहिनी मुख्यालयमा कुलबहादुर नेम्वाङको सरुवा भएको छ भने नम्बर–६ महेश्वरी बाहिनी मुख्यालय सुर्खेतमा दुर्गाप्रसाद भट्टराई र नम्बर–१ बराह बाहिनी मुख्यालयमा शम्भु सुवेदीको सरुवा भएको छ । प्रदेश–२ स्थित छिन्नमस्ता बाहिनीमा कालिदास धौबजीको सरुवा भएको छ । नम्बर–१ बाहिनीमा कार्यरत अन्जनीकुमार पोखरेलको स्टाफ कलेज र पशुपति बाहिनीमा कार्यरत पुरुषोत्तम थापाको प्रधान कार्यालयस्थित कार्य विभागमा सरुवा भएको छ ।

Advertisement 2

सशस्त्र प्रहरी बलकै १८ जना प्रहरी वरिष्ठ उपरिक्षक (एसएसपी)को पनि सरुवा भएको छ । सरुवा हुनेमा साधारणतर्फ १६ जना र प्राविधिकतर्फ दुई जना रहेका छन् । सशस्त्र प्रहरी प्रवक्ता समेत रहेका एसएसपी राजेन्द्र खड्काको युएन तालिम शिक्षालय ककनीमा सरुवा भएको छ भने रविनराज कर्णजितको पर्वतीय उद्दार तालिम शिक्षालय मनाङ्ग र सुधीरजंग थापाको हुल तथा दंगा व्यवस्थाापन तालिम शिक्षालय लामापाटनमा सरुवा भएको छ ।

सञ्चार तथा इन्जिनियरिङ तर्फका प्रमोदकुमार शाहको प्राविधिक तालिम शिक्षालय काठमाडौं र नानीराम हुमागाईको कार्य विभागमा सरुवा भएको छ ।