काठमाडौं । अब प्रत्येक दिन सबै सबै मन्त्रीले आफ्नो काम प्रधानमन्त्रीलाई जानकारी गराउनुपर्ने भएको छ । प्रधानमन्त्री पुष्पकमल दाहाल ‘प्रचण्ड’ले अब प्रत्येक दिन सबै मन्त्रीले आफूले दिनभरि गरेको काम साँझ प्रधानमन्त्रीलाई जानकारी गराउनुपर्ने निर्णय मन्त्रिपरिषद्को बैठकबाट गराएका हुन् ।

Advertisement 1

सार्वजनिक नीति तथा प्रत्यायोजित विधायन समितिलाई सम्बोधन गर्दै बिहीबारकै मन्त्रिपरिषद् बैठकबाट यो निर्णय गराएको जानकारी गराए । उनले भने,‘आज मैले एउटा निर्णय पनि क्याबिनेटबाट गराएको छु । अब सबै मन्त्रीले गरेको कामको ब्रिफिङ प्रधानमन्त्रीलाई बेलुका गर्नुपर्ने, प्रत्येक दिन बेलुका दिनभरि गरेकामध्ये ठूलो र राम्रो काम प्रत्येक दिन प्रधानमन्त्रीलाई ब्रिफिङ गर्नुपर्ने भएपछि सबैलाई तताउँछ भन्ने मेरो विश्वास छ । त्यसले सबै मन्त्री र सचिवलाई काम गर्न तताउँछ । हामी बल गर्दैछौं ।’