सडक डिभिजनको आगलागी नियन्त्रणमा: सम्पूर्ण सरकारी कागजातहरु सुरक्षित
वानेश्वरस्थित सडक डिभिजन कार्यालयका हाकिमको क्वाटरमा लागेको आगलागी नियन्त्रणमा आएको छ ।
Advertisement 1
काठमाडौं महानगरपालिका, ललितपुर महानगरपालिका, नेपाली सेना, सशस्त्र प्रहरी, नेपाल प्रहरी लगायतका वारुणयन्त्रहरुद्वारा अग्नि नियन्त्रण गर्न सफल भएको सडक डिभिजन काठमाडौँका सूचना अधिकारी प्रमोद खतिवडाले जानकारी दिए।
मिनभवन स्थित सडक डिभिजन काठमाडौंको परिसरमा सूर्यविनायक- धुलिखेल, धुलिखेल- सिन्धुली-वर्दिवास सडक आयोजनाले उक्त कार्यालय स्थानान्तरण हुनु पूर्व प्रयोग गरिरहेको एक तल्ले भवन डिभिजन प्रमुखले क्वार्टरको रुपमा प्रयोग गर्दै आएका थिए । सो भवन २८ गते आइतवार दिउंसो करिव २ वजे तिर एक्कासी विजुली सट भई आगलागी भएको थियो।
Advertisement 2
सूचना अधिकारी खतिवडाका अनुसार आगलागीका कारण डिभिजन प्रमुखको क्वार्टर र क्वार्टरमा रहेका सम्पूर्ण सामानहरु जलेर पूर्ण रुपमा नष्ट भए पनि डिभिजनको अन्य भवनहरु तथा कार्यालयमा रहेका सम्पूर्ण सरकारी कागजातहरु सुरक्षित रहेको छ ।
