सडक डिभिजन कार्यालय प्रमुखको निवासमा आगलागी,लाखौं रकम जलेर खरानी
वानेश्वरस्थित सडक डिभिजन कार्यालयका हाकिमको निवासमा आगोलागी भएको छ । आज दिँउसो २ बजेतिर सडक डिभिजन कार्यालयका प्रमुख नारायण भण्डारीको निवासमा एसी सर्ट भएर आगलागी भएको प्रहरीले जनाएको छ ।
Advertisement 1
आगोलागीमा लाखौं नगद जलेर खरानी भएको जनाइएको छ । प्रहरीका अनुसार हजार,पाँच सय,एक सय रुपैंयाका दरले लाखौं नगद जलेर काम नलाग्ने भएको प्रहरीले जनाएको छ । आगलागी भएपछि प्रहरी वृत्त बानेश्वर र अग्नी नियन्त्रकको टोली घटनास्थलमा पुगेका थिए। एसी सर्ट भएर आगलागी भएको प्रहरीको प्रारम्भीक अनुसन्धानमा देखिएको छ।
आगोलागेपछि सशस्त्र प्रहरीको टोलीले आगो निभाउने क्रममा कार्यालयमा रहेको नोटहरु आधा जलेको अवस्थामा फेला परेको बताइएको छ ।
Advertisement 2
काठमाडौ महानगरबाट खटिएको जुध्द वारुण र सशस्त्रको विपद उद्दार गण सिनामंगलबाट खटिएको संयुक्त टोलीले आगो नियन्त्रण लिएको प्रहरीले बताएको छ । नगदबाहेक मानवीय क्षती भने नभएको प्रहरीले जनाएको छ ।
