पश्चिम नवलपरासी क्षेत्रमा पर्ने सीमा स्तम्भहरूको रङ्गरोगन
लुम्बिनी प्रदेशअन्तर्गत पश्चिम नवलपरासी क्षेत्रमा पर्ने सीमा स्तम्भहरूको मर्मत र रङ्गरोगन थालिएको छ । सोमबार एक कार्यक्रमकाबीच नेपालको सशस्त्र प्रहरी र भारतको सीमा सुरक्षा बल (एसएसबी)ले संयुक्तरुपमा स्तम्भ नम्बर ५ सय ७ बाट सीमा स्तम्भ मर्मतको काम सुरु गरेका हुन् ।
Advertisement 1
पश्चिम नवलपरासीमा नेपाल-भारत दशगजा क्षेत्रमा १६ वटा सीमा स्तम्भ रहेका छन् । जसमा १३ वटा मुख्य र ३ वटा सहायक स्तम्भ छन् । नेपालले बिजोर नम्बरको स्तम्भ मर्मत गर्ने छ भने भारतले जोर नम्बरको स्तम्भ मर्मत गर्नेछ ।
दुई देशीय सम्झौताअनुसार जोर अङ्कका सीमा स्तम्भ मर्मतको जिम्मा पाएको भारतले भने यसअघि नै काम गरिसकेको छ ।नेपाल र भारतका सुरक्षाकर्मीले संयुक्तरुपमा मर्मत र रंगरोगनको काम सुरु गरेको सशस्त्र प्रहरी बल नेपाल २६ नम्बर गण हेडक्वाटरका प्रमुख एसपी धीरेन्द्रराज न्यौपानेले बताए ।
Advertisement 2
जिल्लामा ४१ किलोमटिर क्षेत्र भारतीय सीमानासँग जोडीएको भएपनि २७ किलोमिटरमा मात्र सीमा स्तम्भ रहेको छ । लुम्बिनी प्रदेशको ४ सय ३५ किलोमिटर सीमा भारतसँग जोडिएको छ ।
