मनका धनी थापा बिश्व हिन्दु महासंघमा पनि
अञ्जनकुमार ।
Advertisement 1
एउटा गीत छ नियो मन त मेरो नेपाली हो …. साँच्चै कोमल मनका धनी छन नेपालीहरु । जतिसुकै कठोर नै बनेपनि आपत विपतका बेला मन फुकाएर आफ्नो गच्छे अनुसारको सहयोग गर्ने नेपालीको परम्परा नै हो ।
अझ वैदेशिक रोजगारमा भएकाहरुले त मन बाँध्न नै जानेका हुन्नन । तिनै मध्येका एक हुन पुर्खौली थलो लमजुङ भइ काठमाडौं बुढानिलकण्ठ निवासी हाल बेलायतमा रहेका लमजुङे युवा दिनेश थापा । युरोपको विभिन्न मुलुकमा रेस्टुरेन्ट व्यावसायसगै सामाजिक सेवामा लाग्दै दसवर्ष बिताएका थापा बिगत चारवर्षदेखि बेलायत बस्दै आएका छन । नेपालबाट युरोप आएकाहरु हुन वा अन्य मुलुकमा बसेर दु:ख पाएका नेपालीहरु हुन उनको शरणमा नपुगेका कमै होलान् ।
Advertisement 2
सामाजिक भावले ओतप्रोत थापाले ठुलो अभिलाषा लिएर युरोप छिरेर दु:ख पाएकाहरु मात्रैलाई हैन दलालीले चुसेर तन्नम बनाएका कयौलाई उद्दार गरि नेपाल फर्काउनुको साथै कतिपयलाई आफ्नै रेस्टुरेन्टमा काम दिएर सहयोग गरेका छन ।अनेकौं दु:ख सहेर आज आफु अडिने बाटो बनाएका उनै थापा बिश्व हिन्दु महासंघ नेपालको युके प्रतिनिधि तथा संगठन प्रमुखको जिम्मा दिइएको छ । सस्थाका केन्द्रिय अध्यक्ष रामचन्द्र अधिकारीद्वारा प्रेषित पत्र अनुसार थापालाई त्यहाँ बसेर ॐकार समुदायको सबैलाई समेटि हिन्दू राज्य स्थापनाको यात्रामा जुट्न आग्रह गरि यो जिम्मेवारी सुम्पेको छ ।
Advertisement 3
आज सनातन वैदिक धर्म माथि आक्रमण भएको भन्दै संसार भर जहाँ जहाँ रहेपनि नेपाली एकता मजबुत बनाउने अभियानमा बिश्व हिन्दु महासंघको विकल्प नरहेकोले आफू बिदेशमा रहेपनि यो जिम्मेवारीलाई वहन गर्ने थापाले जनाएका छन ।
