गुणस्तर तथा नापतौल विभागले गैरकानुनी काम गर्ने पाँच वटा उद्योगलाई कारवाही गरेको छ । कारवाहीमा परेका उद्योगमा तीन सिमेन्ट उद्योग, एउटा केवल र एक ग्यास उद्योग रहेको छ ।
विभागले गुणस्तरहिन सिमेन्ट उत्पादन गर्दै आएको मारुती सिमेन्ट,युनाइटेड सिमेन्ट र जगदम्बा सिमेन्टलाई कारवाही गरेको हो । विभागले सिरहास्थित मारुती सिमेन्टबाट उत्पादित मारुती सिमेन्ट जाँचका क्रममा गुणस्तरहिन देखिएको भन्दै कारवाही गरेको हो ।

Advertisement 1

विभागले मारुतीसहित जगदम्बा र युनाइटेड सिमेन्ट उद्योगलाई उत्पादनमा कम गुणस्तर पाइएको भन्दै १५ दिनको स्पष्टीकरण तोकिएको विभागले जनाएको छ। बजारबाट संकलन गरेको मारुती सिमेन्टको ४३ ग्रेडको ओपीसी नमूनाको परीक्षण गर्दा गुणस्तरहीन पाइएसँगै कारवाही प्रक्रिया अगाडि बढाएको हो । विभागद्धारा संकलित नमूना कम्प्रेसिभ स्ट्रेन्थ (एमपीए) ७ र २८ दिनको मान क्रमशः कमसल पाइएको थियो । विभागका अनुसार सिमेन्टको कम्प्रेसिभ स्ट्रेन्थ ३१ र ३७ हुनुपर्नेमा ३३ र ४३ पाइए पछि गुणस्तर तथा नापतौल विभागले ४३ ग्रेडको सिमेन्ट विक्री वितरण रोक्न सम्पूर्ण सिमेन्ट वजारबाट फिर्ता लिन र १५ दिन भित्र स्पष्टिकरण दिन समेत विभागले पत्रचार गरेको छ ।

यस्तै बदमासी भेटिएपछि विभागले युनाइटेड र जगदम्बा सिमेन्टलाई कारवाही गरेको हो । विभागले यी तीनवटै कम्पनीद्धारा उत्पादित सिमेन्ट विक्री वितरणमा रोक लगाएको छ । साथैं, १५ दिनभित्र स्पष्टीकरण पेश गर्न विभागले कम्पनीहरुलाई पत्राचार गरेको छ ।

Advertisement 2

मारुती सिमेन्ट लिमिटेडले सिरहाको चन्द्राउदइपुरबाट सिमेन्ट उत्पादन गर्दै आएको छ । यो उद्योगका मालिक हुन नन्दकिशोर राठी हुन् । यो उद्योगले उत्पादन गर्ने ५३ ग्रेट ओपीसी सिमेन्टलाई नेपाल गुणस्तर तथा नापतौल विभागले नेपाल गुणस्तर ७२७ प्रमाणित गरिदिएको छ । गुणस्तरहीन सिमेन्ट उत्पादन गर्ने कम्पनीमा सबैभन्दा धेर्रै नाम आउने उद्योग यही हो भन्छन्,गुणस्तर तथा नापतौलका कर्मचारीहरु । एक, दुई या तीनपटक होइन–मारुती सिमेन्ट बारम्बार कारबाहीमा परिरहेको छ । तर, कारबाही भोग्दा पनि मारुतीले न सिमेन्टको गुणस्तर सुधार्छ, न त सरकारी नियामकको आदेश नै पालना गर्छ ।

०७८ मङ्सिर पहिलो साता नेपाल गुणस्तर तथा नापतौल विभागले मारुतीले कम गुणस्तरको सिमेन्ट उत्पादन तथा बिक्रीवितरण गरेको भन्दै कारबाही गरेको थियो । त्यसको साढे दुई महिनापछि माघ १२ गते सोही कम्पनीविरूद्ध अख्तियार दुरुपयोग अनुसन्धान आयोगले सिमेन्ट सञ्चालक शरद गोयलविरुद्ध २० करोड ५० लाख ६५ हजार रुपैयाँ बिगोसहित मुद्दा दायर गरेको थियो ।