मङ्सिर ७ को प्रदर्शनमा अराजक गतिविधि हुन नदिन गृहको सतर्कता
उपत्यकाको शान्ति सुरक्षा कडा बनाउन गृह मन्त्रालयमा हिजो (आइतबार) छलफल भएको छ ।
Advertisement 1
गृह मन्त्रालयका सचिव दिनेश भट्टराईको नेतृत्वमा उपत्यकाका तीनै जिल्ला (काठमाडौं, भक्तपुर र ललितपुर) का प्रमुख जिल्ला अधिकारी र सुरक्षा निकायका प्रमुख सहभागी भएका थिए ।
छलफलमा समग्र काठमाडौं उपत्काको सुरक्षा व्यवस्थाका विषयमा कुराकानी भएको मन्त्रालयका प्रवक्ता एवं सहसचिव नारायणप्रसाद भट्टराईले जानकारी दिए । बैठकमा मंसिर ७ गतेलाई लिएर पनि छलफल भएको थियो ।
Advertisement 2
७ गते सङ्घीय राजधानी काठमाडौँमा प्रदर्शनको तयारीमा रहेको राष्ट्र, राष्ट्रियता, धर्म, संस्कृति र नागरिक बचाउ महाअभियानले उक्त प्रदर्शनमा सरकारले नै दमन गर्ने रणनीति बनाएको आरोप लगाउँदै अनुगमनका लागि पत्रकार तथा नागरिक समाजलाई आग्रह गरेको छ । मङ्सिर ७ गते नै एमालेको भातृ सङ्गठन युवा सङ्घ नेपालले पनि काठमाडौँमा सरकारविरुद्ध प्रदर्शन गर्दै छ । दुवै प्रदर्शन एकै दिन आयोजना गरिएकोले मुठभेड हुने त होइन भन्ने आशङ्का पैदा भएको छ ।
बैठकमा गृहसचिव भट्टराईले मंसिर ७ गते अराजक गतिविधि र घटना हुन नदिन प्रहरीलाई निर्देशन दिएका थिए ।
Advertisement 3
